ශ්‍රී ලංකා පාපන්දු සම්මේලනයේ නිලවරණය ගැන දැනුම්දීමක්..
ශ්‍රී ලංකා පාපන්දු සම්මේලනයේ නිලවරණය එළැඹෙන සැප්තැම්බර් 29 වැනිදා පැවැත්වීමට නියමිතව ඇති අතර, එයට නාමයෝජනා කැඳවීම් අගෝස්තු මස 14දා භාර ගැනීමට ලංකා පාපන්දු බලධාරීන් කටයුතු කළා.
නිලවරණය පැවැත්වීම උදෙසා නිලවරණ කට්ටුවක් පත් කර ගැනීම සඳහා ශ්‍රී ලංකා පාපන්දු සම්මේලනයේ විශේෂ මහා සභා රැස්වීමක් කොළඹදී පැවැත්වුණා.
සාමාජිකයන් තිදෙනකුගෙන් මෙම නිලවරණ කමිටුව සදහා විශ්‍රාමික මහාධිකරණ විනිසුරු යූ.එල්. ෆිපීඩ්, විශ්‍රාමික මහාධිකරණ විනිසුරු බන්දුල අතපත්තු සහ විශ්‍රාමික ජෙනරාල් උපාලි ගුණසේකර යන මහත්වරුන් ඇතුළත්.
අගෝස්තු 14 වන දින පස්වරුවේ ඇරඹී ශ්‍රී ලංකා පාපන්දු සම්මේලනයේ නිලධාරී මණ්ඩලය පත් කර ගැනීම වෙනුවෙන් නාමයෝජනා භාර ගැනීම මෙම මස 19 වැනිදා පස්වරු 3.00 දක්වා අවසන් වුණා.
මෙවර පාපන්දු නිලවරණය සඳහා නාමයෝජනා පිළිබඳ අභියාචනා භාර ගැනීම සැප්තැම්බර් මස 1 වැනිදා සිට 3 වැනිදා දක්වා සිදු කිරීමට නියමිතව ඇති අතර, අභියාචනා සළකා බැලීම සැප්තැම්බර් 4 වැනිදා සිදු කිරීමට නියමිතව තිබේ.
ඉන් අනතුරුව ශ්‍රී ලංකා පාපන්දු සම්මේලූන නව සභාපතිවරයා ඇතුළු විධායක කමිටුවට නිලධාරීන් 13 දෙනකු තෝරා පත් කර ගැනීම සඳහා වන අවසන් නාම යෝජනා ලැයිස්තුව සැප්තැම්බර් මස 4 වැනිදා ප්‍රකාශයට පත් කිරීමට නියමිතව තිබේ.
එසේම මෙම නිලවරණය පැවැත්වීම සම්බන්ධයෙන් ජාත්‍යන්තර පාපන්දු සම්මේලනයද විශේෂ මාර්ගෝපදේශ මාලාවක් ඉදිරිපත් කර ඇති බවද සදහන්ය.
එම මාර්ගෝපදේශ මාලාවට අනුකූලව ශ්‍රී ලංකා පාපන්දු සම්මේලනය වෙත පනවා ඇති තහනම ඉවත් කිරීමට ජාත්‍යන්තර පාපන්දු සංගමය කටයුතු කළා. නිලවරණය පැවැත්විය යුතුව ඇත්තේ පසුගිය ජනවාරි මාසයේදී ජාත්‍යන්තර පාපන්දු සම්මේලනය මඟින් ලබා දී ඇති මාර්ගෝපදේශ මාලාවට අනුකූලව බවද දැක්වේ.
එසේම පසුගිය වසර කිහිපයේදී ශ්‍රී ලංකා පාපන්දු සම්මේලනයේ ප්‍රධානතම නිලතල දැරූ පාර්ශ්ව ත්‍රිත්වයක් මෙවර නිලවරණය සදහා ඒකාබද්ධව ශ්‍රී ලංකා පාපන්දු සංගමයේ හිටපු සභාපතිවරයකු වන ජස්වර් උමාර් සහ අනුරාධපුර පාපන්දු ලීගයේ සභාපති තිලංග දක්ෂිත සුමතිපාල පාපන්දු නිලවරණය සඳහා නාම යෝජනා භාර දුන්නා.
මෙවර පාපන්දු සම්මේලනයේ මුල් පුටුව සඳහා ද්වන්ද සටනක් නිර්මාණය වී තිබෙනවා. නමුත් මිල වන මේ නාම යෝජනා භාරදුන් අනුරාධපුර දිස්ත්‍රික් පාපන්දු ලීග සභාපති දක්ෂිත සුමතිපාල මහතාගේ නාමයෝජනාව ප්‍රතික්ෂේප කිරීමට නිලවරණ කමිටුව තීරණය කර තිබෙනවා.
එයට හේතුව ලෙස දක්වා ඇත්තේ තම පාපන්දු ලීග තුළ වසර 4 ක අඛණ්ඩ ක්‍රියාකාරිත්වයක් නොමැති බව සඳහන් කිරීමයි. තම කණ්ඩායමේ සාමාජිකයන් 05 දෙනෙකුගේ නාමයෝජනාව ප්‍රතික්ෂේප කිරීමට කටයුතු කිරීමට විරුද්ධව අභියාචනයක් ඉදිරිපත් කිරීමට තිලංග සුමතිපාල පාර්ශවය අද දින ශ්‍රී ලංකා පාපන්දු සම්මේලන මූලස්ථානයට පැමිණියා.
අභියාචනා භාර දීමෙන් අනතුරුව දක්ෂිත සුමතිපාල මහතා මාධ්‍ය හමුවේ අදහස් දැක්වීය..
