මහල් ගොඩනැගිල්ලක විශාල ගින්නක්..පුද්ගලයින් 56ක් මිය යයි..
Australia
Accident
Death
World
By Aruna
ජොහැන්නස්බර්ග් නගර මධ්‍යයේ මාෂල්ටවුන් හි මහල් පහක ගොඩනැගිල්ලක් ගිනි ගැනීමෙන් අවම වශයෙන් පුද්ගලයින් 56 දෙනෙකු මිය ගොස් තිබෙන බව විදෙස් මාධ්‍ය වාර්තා පවසනවා.
එම මාධ්‍ය වාර්තා වැඩිදුරටත් පවසන්නේ, මරණ සංඛ්‍යාව තවදුරටත් ඉහළ යනු ඇතැයි අපේක්ෂා කරන බවයි.
තත්ත්වය පාලනය කිරීම සඳහා හදිසි ප්‍රතිචාර කණ්ඩායම් ඩෙල්වර්ස් සහ ඇල්බට් වීදියේ කෙළවරේ ස්ථාන ගතව සිටියි.
දුම් ආඝ්‍රාණය කිරීම හේතුවෙන් අවම වශයෙන් පුද්ගලයින් 43 දෙනෙකු පමණ ප්‍රතිකාර සඳහා රෝහල් ගත කර ඇති බවද විදෙස් මාධ්‍ය වාර්තා තහවුරු කරයි.
මේ වන විට පිරිස් අදාල ගොඩනැගිල්ලෙන් ඉවත් කර ඇති අතර, ගින්නට හේතුව තවමත් පැහැදිලි නැති බවයි වාර්තා වන්නේ.
