ඇල්ල රක්‍ෂිතයට ගිනි තැබූ 16 දෙනෙකු අල්ලයි - පාසල් සිසුනුත් ඒ අතර..

මෙලෙස අත්අඩංගුවට ගෙන ඇත්තේ අවුරුදු 16 ත් 22 ත් අතර වයස් කාණ්ඩයේ පසුවන බදුල්ල හාලිඇල සහ නමුණුකුළ යන ප්‍රදේශවල පදිංචිකරුවන්.

ඇල්ල රක්‍ෂිතයට ඊයේ(24) ගිනි තබා ඇති බවට පොලීසියට ලද පැමිණිල්ලකට අනුව වහාම ක්‍රීයාත්මක වූ පොලිස් නිළධාරීන් වන ජීවී දෙපාර්තමේන්තුවේ සහ ගිනි නිවීම් ඒකකවල සහය ඇතිව ගින්න මැඩ පැවැත්වීමට කටයුතු කර තිබුණා. 

 කෙසේවෙතත් ගින්නෙන් රක්‍ෂිත කදුවැටියෙහි අක්කර 15 කට අධික ප්‍රදේශයක් හානියට ලක්ව ඇති බවයි පැවසෙන්නේ. ඉන් අනතුරුව සිදුකළ මෙහෙයුමකට අනුවයි ඇල්ල රක්‍ෂිතයට ගිනි තැබූ බවට සැක පිට මෙලෙස 16 දෙනෙකු අත්අඩංගුවට ගෙන තිබුණේ.