දුෂ්මන්ත ගැන තීරණයක් ගනී

එක්දින ලෝක කුසලාන සුදුසුකම් ලැබීමේ තරග වටයේ වේගපන්දු යවන ක්‍රීඩක දුෂ්මන්ත චමීර මූලික වටයේදී විවේක ගැන්වීමට තීරණය කර ඇති බව වාර්තා වෙයි.

හෙට (25) සුදුසුකම් ලබාගැනීමේ තරගාවලියේ ශ්‍රී ලංකාව සහභාගී වන තුන්වැනි තරගය අයර්ලන්තයට එරෙහිව පැවැත්වීමට නියමිතය.

B කාණ්ඩය යටතේ ශ්‍රී ලංකා සහ අයර්ලන්ත තරගය පැවැත්වෙන අතර ශ්‍රී ලංකාව කණ්ඩායම හෙට තරගයට පිවිසෙන්නේ මේ දක්වා මූලික වටයේ සහභාගී වූ තරග දෙකම ජය ගනිමිනි.

ඒ අනුව අයර්ලන්ත කණ්ඩායම මේ දක්වා සහභාගී වූ තරග දෙකම පරාජයට පත්වී ඇති අතර ශ්‍රී ලංකාව හමුවේ හෙට තරගය පරාජය පත්වුවහොත් ඔවුන්ට තරගාවලියෙන් ඉවත්වීමට සිදුවනු ඇත.

B කාණ්ඩයේ ප්‍රසාද ලකුණු සටහනේ ශ්‍රී ලංකාව අපරාජිතව පෙරමුණේ පසුවන අතර ස්කොට්ලන්තය සහ ඕමානය පිළිවෙලින් දෙවන සහ තුන්වැනි ස්ථානවල පසුවෙයි.

B කාණ්ඩයේ ප්‍රසාද ලකුණු සටහනේ මුල් ස්ථාන තුන හිමිකර ගන්නා කණ්ඩායම් 3 සුපිරි හයදෙනාගේ වටයට සුදුසුකම් ලබනු ඇත.