ඔයත් සුදු වෙලා ලස්සන වෙන්න මෙන්න මේ ක්‍රීම් ගෑව ද?. එහෙනම් වෙන දෙය ගැන හිතා ගන්නවත් බැරි වෙයි..
krishani
in ශ්‍රී ලංකාවසම සුදුවීම සඳහා භාවිත කරන විවිධ ක්‍රීම් වර්ග හේතුවෙන් පිළිකාවලට ගොදුරු වූ පුද්ගලයින්ට වඩා වකුගඩු රෝගවලට ගොදුරු වූ පුද්ගලයින්ගේ සංඛ්‍යාව ඉහළ ගොස් තිබෙනවා.
ඒ බව සෞඛ්‍ය අංශ සඳහන් කළේ ය.
මේ බව අද (03) පෙරවරුවේ සෞඛ්‍ය ප්‍රවර්ධන කාර්යංශයේ පැවති මාධ්‍ය හමුවකට එක් වෙමින් ජාතික රෝහල් සම පිළිබඳ විශේෂඥ වෛද්‍ය ඉන්දිරා කහවිට මහත්මිය පැවසීය.
වැඩිදුරටත් අදහස් දක්වමින් ඇය කියා සිටියේ මෙවැන්නකී,
"ලෝක සෞඛ්‍ය සංවිධානය සහ ශ්‍රී ලංකා සෞඛ්‍ය අමාත්‍යාංශය අතර වැඩපිළිවෙළක් යනවා රසදිය පාවිච්චිය සම්පූර්ණයෙන් නැති කරන්න. ඒ කියන්නේ රසදිය ප්‍රමාණය බිංදුව වෙන්නේ ඕනේ. දැන් මේවා පාවිච්චි කරන්නේ එක තැනකට නෙමෙයිනේ මුළු ඇඟේම.
මුළු සිරුරෙම විශාල රසදිය ප්‍රමාණයක් අලේප කළාම ඒක සම හරහා රුධිරයට අවශෝෂණය වෙන්නේ නැහැ කියලා කිසිම වගකීමක් නැහැ. එතකොට එහෙම වුණාම ඇත්තටම රසදියවලින් පිලිකාවලට වඩා වෙන්න පුළුවන් දේ තමයි වකුගඩු අකර්මන්‍ය වීම.
ශ්‍රී ලංකාව කියන්නේ හේතුවක් හඳුනා නොගත් වකුගඩු රෝග ඉතාම බහුලව තියෙන රටක්. ඒකට මේවයින් බලපෑමක් වෙනවාද කියන එක අපි කොහොමද පෙන්වන්නේ?.
පැය 24ක් තුළ මම පරික්ෂා කරන රෝගීන් දළ වශයෙන් 60ක් විතර සායන 40කින්. ඒ මුළු ගණනින් 06 දෙනෙක් ඒ කියන්නේ 10%ක් සුදු වෙන ක්‍රීම් නිසා ඇතිවුණ ගැටලු සහිත අය.
මේවා දිර්ඝ කාලීන නෙමෙයි කෙටිකාලීන..වැඩි හරියක් තියෙන්නේ Stretch marks.
දැන් සමහර දේවල් දකිනවා.උදාහරණයක් විදිහට අත්ල පතුල් කලු වෙනවා. ඒ හැම කේනාගෙම පොදු සාධකය සුදු වෙන ක්‍රීම් භාවිතය. ඒ වාගේම නියපොතු දුඹුරුපාට..
තැඹිලි පාට වෙනවා. මේවා පසුගිය මාස කිහිපය තුළ ඉස්සර දැක්කට වඩා අධික වශයෙන් දකිනවා. එන්න එන්නම මේ කෙටිකාලීන් අතුරු අබාධ වැඩියි. දීර්ඝ කාලීන වෙන්න කලින් මේ කෙටිකාලීන ඒවා ටික වෙනවා. පිළිකා එන්න කලින් වකුගඩු නරක් වෙලා ජීවිතය හානි වෙන්න පුළුවන්."
