සුපිරි ක්‍රීඩක ධනංජය ද සිල්වාට ස්ථානය අහිමි වෙයි..? තීරණාත්මක තරගයේ කාසියේ වාසිය ලංකාවට..
අද (02) ශ්‍රී ලංකාව හා ඉන්දියාව අතර පැවැත්වෙන තරගයේ දී ශ්‍රී ලංකා කණ්ඩායමේ එක් වෙනස්කමක් සිදු වීමට නියමිත බව වාර්තා වේ.
එනම් මෙහිදී, තුන්ඉරියව් ක්‍රීඩක ධනංජය ද සිල්වාට කණ්ඩායමේ ස්ථානය අහිමි වනු ඇති බව වාර්තා වේ. ශ්‍රී ලංකා කණ්ඩායම මෙවර තරගාවලියේ මේ දක්වා සහභාගි වූ තරග 06න් තරග දෙකක් පමණක් ජයගෙන ප්‍රසාද ලකුණු සටහනේ 07 වැනි ස්ථානයේ පසු වේ.
ඉන්දියා කණ්ඩායම තරගාවලියේ එකම අපරාජිත කණ්ඩායම වන අතර, සහභාගි වූ තරග 06ම ජයගෙන ප්‍රසාද ලකුණු සටහනේ පසු වන්නේ දෙවැනි ස්ථානයේය.
ශ්‍රී ලංකාව සහ ඉන්දියාව මේ දක්වා එක්දින ලෝක කුසලාන තරග 09කට සහභාගී වී ඇති අතර, එහි දී කණ්ඩායම් දෙකම තරග 04 බැගින් ජයගෙන තිබේ.
2023 ලෝක කුසලාන ක්‍රිකට් තරගාවලියේ ශ්‍රී ලංකාව සහ ඉන්දියාව අතර තරගය අද (02) පැවැත්වෙයි.
එම තරගයේ කාසියේ වාසිය දිනාගැනීමට ශ්‍රී ලංකා කණ්ඩායම සමත් විය.
ඒ අනුව ඔවුන් තීරණය කළේ පළමුව පන්දු රැකීමටය.
