දැනටමත් පාසල්වල උගන්වන ගුරුවරුන්.. විශේෂ සම්මුඛ පරීක්ෂණයකට ලක් කරලා කරන්න යන දෙය මෙන්න..
Sri Lanka Cabinet
Job Opportunity
Latest Headlines
Decision Making
Teachers
By krishani
krishani
in ශ්‍රී ලංකාවරජයේ පාසල්වල ගුරුවරුන් ලෙස සේවය කරන සංවර්ධන නිලධාරීන් විශේෂ සම්මුඛ පරීක්ෂණයකට යොමු කිරීමෙන් අනතුරුව සුදුසුකම් සපුරන සියලු දෙනා ගුරු සේවයට අන්තර්ග්‍රහණය කර ගැනීමට රජය කටයුතු කරන බව ඊයේ (22) නීතිපතිවරයා විසින් ශ්‍රේෂ්ඨාධිකරණයට දන්වා ඇත.
එහිදී නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් විරාජ් දයාරත්න මහතා ශ්‍රේෂ්ඨාධිකරණයට දන්වා සිටියේ ඊට අදාළ කැබිනට් පත්‍රිකාව අධ්‍යාපන ඇමැති සුසිල් ප්‍රේමජයන්ත විසින් කැබිනට් මණ්ඩලය හමුවට ඉදිරිපත් කරන බවයි.
මේ වන විටත් ගුරු සේවයට අන්තර්ග්‍රහණය කරන ලෙස ඉල්ලා ගුරුවරුන් ලෙස සේවය කරන සංවර්ධන නිලධාරීන් පිරිසක් ගොනු කළ මූලික අයිතිවාසිකම් පෙත්සම් හතරක් සම්බන්ධයෙන් සමථයක් ඇති කර ගැනීම සඳහා එම පෙත්සම් කැඳ වූ අවස්ථාවේ දී අතිරේක සොලිසිටර් ජනරාල්වරයා විසින් මෙම දැනුම්දීම සිදු කරන ලදී.
