බස් නැවතුම්පොළක දී ගෙල කපාගෙන පුද්ගලයෙක් ජීවිතක්ෂයට - විමර්ශනවල දී හෙළි වුණ කාරණාව..

කුරුණෑගල බස් නැවතුම්පොළ තුළ දරුණු කැපුම් තුවාල සහිතව වැටී සිටි අයෙකු රෝහල්ගත කර ඇත.

මෙලෙස රෝහල්ගතකර ඇත්තේ කුරුණෑගල සුමංගල මාවත ප්‍රදේශයේ පදිංචි පුද්ගලයෙක් ය.

මේ සම්බන්ධයෙන් පොලීසිය සැක කරනුයේ ඔහු අධික ලෙස මත්ද්‍රව්‍යවලට ඇබ්බැහි වූවෙකු බවත් මත්ද්‍රව්‍ය නොමැති වීම හේතුවෙන් මෙලෙස පිහියකින් සිය සිරුරට තුවාල සිදුකරගෙන ඇති බවයි.

මෙම පුද්ගලයාට මීට පෙර විවිධ වැරදි සම්බන්ධයෙන් චෝදනා 13කට ආසන්න ප්‍රමාණයක් එල්ල වී ඇති බව පොලීසිය සඳහන් කළේ ය.

වැඩිදුර විමර්ශනවල දී හෙළී වී ඇත්තේ මත්ද්‍රව්‍ය සොයාගැනීමට නොහැකි වීමත් සමග සැකකරු විසින් පිහිතලයක් ගෙන සිය ගෙල සහ පපුව ප්‍රදේශයට හානි සිදුකරගෙන ඇති බවයි.

කෙසේ වෙතත්, සිද්ධිය සම්බන්ධයෙන් වැඩිදුර විමර්ශන කුරුණෑගල පොලීසිය විසින් සිදුකරයි.