දියණියගේ අමානුෂික පහර කෑමෙන් පියෙක් මිය යයි.

කලවංචිකුඩි පොලිස් බල ප්‍රදේශයේ කළුදාවලී ප්‍රදේශයේ දී සිය දියණියගේ  පහර කෑමට ලක් වූ පියකු බරපතළ තුවාල ලබා රෝහල් ගත කර තිබෙනවා.

එහිදී එම පුද්ගලයා මියගොස් ඇති බව කලවංචිකුඩි පොලීසිය සඳහන් කළේ ය.

මෙලෙස මියගොස් ඇත්තේ හැට එක් හැවිරිදි අයෙක් ය.

බීමත්ව පැමිණ ඇති මෙම පුද්ගලයා සිය දියණිය සමග ඇති වූ ආරවුලක දී දියණිය විසින් පොල්ලකින් ඔහුට පහර දී තිබෙනවා.

අත්අඩංගුවට ගත් තිස්හත් හැවිරිදි දියණිය අධිකරණයට ඉදිරිපත් කර රක්ෂිත බන්ධනාගාර ගත කර ඇති බව පොලීසිය සඳහන් කළේ ය.