අනාරක්ෂිත ළිඳකට වැටී සිඟිත්තියක් මියගිය ඛේදජනක පුවතක්..

වවුනියාව - සුන්දරපුරම් ප්‍රදේශයේ අනාරක්ෂිත ළිඳකට වැටී පෙරේදා(03) වයස අවුරුදු තුනක දැරියක් ජිවිතක්ෂයට පත්ව තිබේ.

දැරියගේ මව විසින් මෙම කුඩා දැරිය ඥාතී නිවසක තබා කුළියට රටකජු ගැලවීමට ගොස් ඇති අවස්ථාවක මෙම අනතුර සිදුව ඇති අතර දැරිය අදාළ ඥාති නිවසේ දැක ගැනීමට නොහැකි වූ අවස්ථාවේ මව විසින් සොයා ඇති අතර පසුව දැරිය ළිඳට වැටී ඇති අයුරු දැක ඇති බව සඳහන් වේ.

ළිඳට වැටුණු දැරිය ළිදෙන් ගොඩගෙන රෝහල්ගත කර ඇති අතර, ඒ වනවිටත් දැරිය මියගොස් ඇත.