තරග ජයග්‍රහණයෙන් පසු නායක දසුන්ගෙන් සැර ප්‍රකාශයක්..!
ශ්‍රී ලංකා එක්දින කණ්ඩායමේ නායක දසුන් ශානක ප්‍රකාශ කළේ, ඉදිරියේදී පැවැත්වෙන තරග කණ්ඩායමක් ලෙස දක්ෂ ලෙස ක්‍රීඩා කිරීමට බලාපොරොත්තු වන බවයි.
අද (07) පැවති තරගයෙන් අනතුරුව මාධ්‍ය වෙත අදහස් දක්වමින් ශ්‍රී ලංකා එක්දින කණ්ඩායමේ නායකයා ඒ බව සඳහන් කළේය.
එහිදී වැඩිදුරටත් අදහස් දැක්වූ ශ්‍රී ලංකා එක්දින කණ්ඩායමේ නායක දසුන් ශානක,
"ක්‍රීඩකයෙක්ව මනින්න බැහැ තරගයක් දෙකක් ක්‍රීඩා කරලා. ගොඩක් අයට අවශ්‍ය වුණේ අරයව අයින්කරන්න...මෙයාව අයින්කරන්න ඉතින් ඒ ව‌ගේ දේවල් නොවිය යුතුයි. විශේෂයෙන්ම ගොඩක් අත්දැකීම් එක්ක තමයි ක්‍රීඩකයෝ දක්ෂ ලෙස ක්‍රීඩා කරන්නේ. මම නායකත්වය දරන්න පටන්ගත් දවසේ ඉඳන් අපි ඒ කන්ෆිඩන්ස් එක ක්‍රීඩකයින්ට දුන්නා. ඒ වගේම ඒ පරිසරය හැදුවා.
දැනුත් අපේ ක්‍රීඩකයෝ ඇවිත් කරන්නේ ඒක. දිමුත් අයියා, ඇන්ජෙලෝ අයියලා ටීම් එකට එකතු වුණාට පස්සේ පරිසරය හොඳ විදිහට තියෙනවා. මම හිතන්නේ ක්‍රීඩකයෙක්ට කන්ෆිඩන්ස් එකයි, ක්‍රීඩා කරන පරිසරයයි ඇතුළේ පිළිගැනීම තියෙනවානම් ගොඩක් දුර යන්න පුළුවන්. මම හිතන්නෙ ඇෆ්ගනිස්තානය මේ තරගාවලියට එද්දි අපිට වැඩිය උඩින් හිටියේ.
ඒ වුණාට අපි දන්නවා අපේ ස්කිල් එක මොකක්ද, ටැලන්ට් එක මොකක්ද කියලා. ඒක ගොඩක්දුරට අපි විශ්වාස කළාට එළියේ අය විශ්වාස කරන්නේ නැහැ. ඒක ප්‍රශ්නයක් නැහැ. අපි දන්වා අපිට කරන් පුළුවන් තරම මොකක්ද කියලා. කණ්ඩායමක් විදිහට දිගින් දිගටම පෆෝම්කරනවා අපි. අපි විශ්වාස කරනවා අපිට ඩිලිවරි කරන්න පුළුවන් කියලා."
ශ්‍රී ලංකාව සහ ඇෆ්ගනිස්තානය අතර පැවති එක්දින තරගාවලිය 2-1ක් ලෙස ජයගැනීමට ශ්‍රී ලංකා කණ්ඩායම සමත් විය.
සිව්දෙසින් ගලා එන සැමට කලින්, එසැනින් දැන ගන්න ගගන WhatsApp,වෙත පිවිසෙන්න... |
