දඹුල්ල තණ්ඩර්ස් හිමිකරු තමීම් රහ්මන්ට රු. 24 මිලියන දඩ සහ වසර 5 සිරදඬුවම
2024 ලංකා ප්රිමියර් ලීග් (LPL) ක්රිකට් තරගාවලියේ දඹුල්ල තණ්ඩර්ස් කණ්ඩායමේ හිමිකරු තමීම් රහ්මන් නැමැත්තාට තරග පාවාදීමට පෙළඹවීමේ චෝදනාව පිළිගැනීමෙන් පසු අධිකරණය විසින් රුපියල් මිලියන 24ක දඩ මුදලක් නියම කර තිබේ.
එසේම ඔහුට වසර 4ක සිරදඬුවමක් ද නියම කර ඇති අතර, එම සිරදඬුවම වසර 5ක කාලයකට අත්හිටුවීමට අධිකරණය තීරණය කර තිබෙන බව අප වාර්තාකරු පැවසීය.
මෙම නඩුවේදී තමීම් රහ්මන් මහතා තරග පාවාදීම සම්බන්ධ චෝදනාව පිළිගෙන ඇති බවද වාර්තා වේ.
මෙය ශ්රී ලංකා ක්රිකට් ඉතිහාසයේ තරග පාවාදීම සම්බන්ධයෙන් හිමිකරු මට්ටමින් නඩුවක් ගෙන යැවීම සහ දඬුවම් නියම වීමේදී ඉහළම මට්ටමක ගෙවීම් සහිත වැදගත් සිදුවීමක් ලෙස සැලකේ.
අධිකරණ තීන්දුවෙන් පසු දඹුල්ල තණ්ඩර්ස් කණ්ඩායමේ අනාගතය සහ LPL තරගාවලියේ සමස්තයක් ලෙස තරගාවලියේ ගෞරවය ආරක්ෂා කිරීම පිළිබඳව ක්රීඩා ලෝකය තුළ සාකච්ඡා ඇති වී තිබේ.
මෙම තීරණය ශ්රී ලංකාවේ ක්රීඩා ක්ෂේත්රය තුළ තරග පාවාදීමට එරෙහිව බලවත් පියවරක් ලෙසද සැලකෙන බව වාර්තා වේ.
