වැඩි වියදමක් නැතිව හදන්න පුළුවන් රසම රස පුඩින් Recipe එකක්.

වැඩි වියදමකින් තොරව පොල් ගෙඩියකින් රසම රස පුඩිමක් හදන විදිහ ගැනයි අද කියලා දෙන්නේ.

අවශ්‍ය ද්‍රව්‍ය

🥥 ගාගත් පොල් කෝප්ප 2ක්

🥥 වතුර කෝප්ප 2ක්

🥥 කෝන්ෆ්ලා කෝප්ප කාලක්

🥥 සීනි කෝප්ප භාගයක්

🥥 වැනිලා තේ හැඳි භාගයක්

🥥 රස අනුව ලුණු  

සාදාගන්න ආකාරය

🥥 මුලින්ම සුදුසු භාජනයක් ගෙන හොඳින් බටර් ආලේප කර පසෙකින් තබන්න.

🥥 මීළඟට ගාගත් පොල් ටික බ්ලෙන්ඩරයට දමා එයට වතුර එකතු කර හොඳින් බ්ලෙන්ඩර් කරගන්න.

🥥 පෙනේරයක් ආධාරයෙන් මෙම පොල්කිරි ටික පෙරා ගන්න.

🥥 දැන් මෙම පොල්කිරි වලින් වෙනම පොල් කිරි කෝප්ප කාලක් පමණ ගෙන එයට කෝන්ෆ්ලා එක්කර කැට නැතිවෙන සේ හොඳින් මිශ්‍ර කරගන්න.

🥥 ඉතිරි පොල්කිරි වලට සීනි එකතු කර හොඳින් දිය කර ගන්න.

🥥 දැන් මෙම පොල්කිරි, සීනි මිශ්‍රණය ළිපේ තබා මද ගින්දරේ රත් කරන්න.

🥥 මෙම මිශ්‍රණය බුබුළු දමමින් උතුරවා ගෙන එන විට දියකර ගත් කෝන්ෆ්ලා ටික එකතු කර කැටි නොගැසෙන සේ හොඳින් හැඳි ගාන්න.

🥥 විනාඩි 2ක් පමණ යන විට මිශ්‍රණය ඝන වී එනවා ඔබට පෙනේවි.

🥥 දැන් මෙම මිශ්‍රණය ලිපෙන් බා කලින් සූදානම් කරගත් පුඩිං කප් එකට දමා ශීතකරණයේ යට කොටසේ පැය 2ක් පමණ තබන්න.

🥥 දැන් රස බලන්න පුළුවන්.