ගැහැණු පොල් මලෙන් ලංකාව මුලු ලෝකයෙන්ම එකට එයි..සිදු වූ විශ්මිත දේ මෙන්න.(PHOTOS)
Aruna
in ශ්‍රී ලංකාවවිද්යාත්මක පෙරළියක් ලෙස පොල් මලේ විවෘත නොකළ ගැහැනු මලෙහි පටක යොදා ගනිමින් පොල් පැළයක් සංවර්ධනය කිරීම පිළිබඳව ලුණුවිල පොල් පර්යේෂණ ආයතනය (CRI) විසින් සිදු කරන ලද පර්යේෂණය සාර්ථක වී තිබෙනවා.
ලෝකයේ බොහෝ පොල් වගා කරන රටවල් පොල් පැල වැවීම සඳහා පටක රෝපණ තාක්ෂණය භාවිතා කරන නමුත් ඔවුන් පොල් පල්ප් සම්බන්ධ කොටස් භාවිතා කරනු ලබයි.
කෙසේ වෙතත් මෙතෙක් ලොව කිසිම රටක පොල් මලේ නොඇරුණු ගැහැනු මලට අදාළ කොටස් යොදාගෙන පොල් පැළ නිපදවා නොමැති බවයි වාර්තා වන්නේ.
කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා මෙම පෙරළිය දැක බලා ගැනීම සඳහා පසුගියදා ලුණුවිල CRI ආයතනයට පැමිණ තිබුණා.
පර්යේෂණ නලවල පොල් මලක සියුම් කොටසක් යොදා ගනිමින් සාර්ථකව නිෂ්පාදනය කර ඇති පොල් පැළ අමාත්‍යවරයාගේ නිරීක්ෂණයට ද ලක්ව ඇත.
අපේ සාම්ප්‍රදායික පොල් වගා ක්‍රමය තුළ පොල් පැළ වගා කිරීමට විශාල ඉඩක් අවශ්‍ය නමුත් පර්යේෂණාගාරයේ අඟල් හයක් පමණ උස වීදුරු බටයක සාර්ථක ලෙස පොල් පැළ වගා කරීම විශේෂ කාරණයක් වනවා.
ආචාර්ය රණසිංහ, දෙපාර්තමේන්තු ප්‍රධානී ආචාර්ය විජිත විදානාරච්චි ඇතුළු විද්‍යාඥයින් පිරිසක් මෙම පර්යේෂණ කණ්ඩායමට නායකත්වය දී තිබේ.
ශ්‍රී ලංකාවට ආවේණික තැඹිලි සඳහා ජාත්‍යන්තර වෙළඳපොලේ විශාල ඉල්ලුමක් පවතින බැවින් මෙම නව තාක්ෂණය යොදා ගනිමින් තැඹිලි පැළ නිෂ්පාදනය කිරීම සම්බන්ධයෙන් අමාත්‍යවරයා නිලධාරීන් සමඟ කළ සාකච්ඡාවේදී අදහස් පළ කර ඇත.
වෛද්‍ය රණසිංහ මහතා පැවසුවේ, ලුණුවිල පොල් පර්යේෂණායතනය මගින් මේ වන විටත් මෙම නව තාක්ෂණය යොදා ගනිමින් තැඹිලි පැල නිර්මාණය කිරීම ආරම්භ කර ඇති බවයි.
මෙම ක්‍රමය භාවිත කර හැකිතාක් පොල් සහ තැඹිලි පැළ නිෂ්පාදනය කිරීමට අවශ්‍ය මූල්‍ය ප්‍රතිපාදන ලබාදීමට කෘෂිකර්ම හා වැවිලි කර්මාන්ත අමාත්‍යාංශය පියවර ගන්නා බවයි ඇමැතිවරයා කියා සිටියේ.
මෙම නව තාක්ෂණය හඳුන්වා දී ශ්‍රී ලංකාව ලෝකයේ අනෙකුත් රටවලට වඩා ඉදිරියෙන් සිටින බව පෙන්වා දුන් සියලුම විද්‍යාඥයින්ට සිය කෘතඥතාව ද පළ කිරීමට ඇමැතිවරයා අමතක කර නැහැ.
Sponsored By Sarrita Jewellery
