ශ්‍රී ලංකා තරගවාරය අතරතුර පුහුණුකරු පෙන්වූ රහස් සංකේත මොනවද..? නායකයා සමග හුවමාරු කරගත් සංකේත ගැන පුහුණුකරු කියන දේ
ක්‍රීඩාගරයෙන් ක්‍රීඩකයන්ට ඉංග්‍රීසි අක්ෂර සහ ඉලක්කම් මගින් ලබාදුන් සංඥා පණිවුඩය පිළිබඳව මුළුමනින්ම කරුණු අනාවරණ කළ නොහැකි බව ශ්‍රී ලංකා ක්‍රිකට් කණ්ඩායමේ පුහුණුකරු ක්‍රිස් සිල්වර්වුඩ් ප්‍රකාශ කළා.
සූම් තාක්ෂණය ඔස්සේ ඊයේ පැවති ප්‍රවෘත්ති සාකච්ඡාවකට එක්වෙමින් ඔහු කියා සිටියේ, එය තමන් සහ කණ්ඩායමේ නායකයා අතර හුවමාරු වන සංඥා පණිවුඩයක් බවයි.
ශ්‍රී ලංකාව සහ ඕස්ටේ්‍රලියාව අතර 05 වන සහ අවසන් එක්දින තරඟය අද දිවා රාත්‍රි තරඟයක් ලෙස කොළඹ ආර්.ප්‍රේමදාස ක්‍රීඩාංගනයේදී පැවැත්වෙන අතර, මේ වනවිට ශ්‍රී ලංකා කණ්ඩායම තරඟාවලිය 3ට 1ක් ලෙස ජයගෙන සිටිනවා.
ශ්‍රී ලංකාව ආර්ථික අර්බුදයකට මුහුණ දී සිටින මොහොතක මෙරටට පැමිණි පළමු විදෙස් ක්‍රිකට් කණ්ඩායම බවට ඕස්ටේ්‍රලියානුවන් පත් වෙද්දී ඔවුන්ට කෘතගුණ දැක්වීමක් ලෙස ක්‍රීඩාලෝලීන් සැලසුම් කර ඇත්තේ අද තරගය නරඹන්නට කහ පැහැති ඇදුම් ආයිත්තම්වලින් සැරසී ක්‍රීඩා පිටිය වෙත පැමිණෙන්නටයි.
සිව්දෙසින් ගලා එන තොරතුරු සැමට කලින්, එසැනින් දැන ගන්න පුවත් whatsApp,වෙත පිවිසෙන්න... |
