විදෙස් ප්‍රේෂණ ගැන මහ බැංකුවෙන් නිවේදනයක්.

විදේශ ශ්‍රමිකයන්ගේ ප්‍රේෂණවල ඉහළ යාමක් සිදුව ඇති බව ශ්‍රී ලංකා මහ බැංකුව පවසයි.

ඉකුත් ජනවාරියේ දී එහි අගය සටහන් වූයේ අමෙරිකානු ඩොලර් මිලියන 437.5ක් ලෙස වන අතර ඒ 2022 වසරේ ජනවාරි මාසයේ දී විදේශ ශ්‍රමිකයන්ගේ ප්‍රේෂණ ලෙස සටහන් වූ අමෙරිකානු ඩොලර් මිලියන 259.2 සාපේක්ෂව ය.

එම වැඩිවීම ප්‍රතිශතයක් වශයෙන් 68.8%ක් හෙවත් අමෙරිකානු ඩොලර් මිලියන 178.3ක වැඩිවීමක් බව මහ බැංකුව සඳහන් කරයි.