බලාපොරොත්තු කඩ කරමින් සිමෙන්ති මිලත් ඉහළට..

වෙළෙඳපොළ තුළ සිමෙන්ති කොට්ටයක මිල ගණන් ඉහළ ගොස් ඇති බව වාර්තා වෙයි.

ඒ අනුව කිලෝග්‍රෑම් 50ක සිමෙන්ති කොට්ටයක මිල රුපියල් 350කින් ඉහළ දමා තිබේ.

මිල ඉහළ දැමීමෙන් පසු සිමෙන්ති කොට්ටයක නව මිල රුපියල් 1,850ක් වන බව සිමෙන්ති වෙළෙඳුන් පවසයි.  

මේ අතර,වෙළඳපොලේ අලෙවි වන වානේ කම්බි ටොන් එකක මිල රුපියල් 38,000කින් පමණ ඉහළ ගොස් තිබෙනවා.

මීට දින 03කට පමණ පෙර මෙලෙස වානේ කම්බි ටොන් එකක මිල ඉහළ ගොස් ඇති බවයි වෙළඳපොල ආරංචි මාර්ග සඳහන් කළේ.

රුපියල් 254,500කට පෙර එලෙස අලෙවි වූ වානේ කමිබ් ටොන් එකක මිල මේ වනවිට රුපියල් 292,500 ක් වනවා.

ඒ අනුව මිලිමීටර් 10 වානේ කම්බියක් රුපියල් 1,040කටත්, මිලිමීටර් 12 වානේ කම්බියක් රුපියල් 1,500කටත්, මිලිමීටර් 16 වානේ කම්බියක් රුපියල් 2,725කටත් අලෙවි වේ.