24 හැවිරිදි තරුණයෙක් ඉලක්ක කරගත් මට්ටක්කුලිය වෙඩිතැබීමේ CCTV දර්ශන. - (VIDEO)

ඊයේ (12) පස්වරුවේ 5.50 ට පමණ මට්ටක්කුලිය අලිවත්ත ප්‍රදේශයේදී වෙඩි තැබීමක් සිදු වුණා.

එම වෙඩි තැබීම සිදු කිරීමට යතුරුපැදියකින් සැකකරුවන් දෙදෙදෙනකු පැමිණ ඇති අතර ඔවුන් පැමිණෙන අයුරු දැක්වෙන CCTV වීඩියෝව මේ වනවිට පොලිස් විමර්ශන සඳහා යොදාගෙන තිබෙනවා.

වෙඩික්කරුවන්ගේ ඉලක්කය වී තිබුණේ අශාන් මදුරංග හෙවත් අලිවත්තේ විරාජ් නැමති 24 හැවිරිදි තරුණයෙක්.

ස්කූටර් වර්ගයේ යතුරුපැදියකින් පැමිණි වෙඩික්කරුවන් දෙදෙනා රිවෝල්වර් වර්ගයේ ගිනිඅවියකින් වෙඩිතැබීම සිදුකළ බවද වාර්තා වී ඇති අතර පසුව ඔවුන් දෙදෙනා පලා ගොස් තිබෙනවා.

කෙසේ වෙතත් වෙඩික්කරුවන්ගේ ඉලක්කය වූ අශාන් එම වෙඩිතැබීමෙන් ජීවිතය බේරාගෙන තිබූ අතර පසුව වෙඩිතැබීමට සැක පාර්ශ්වයේ නිවෙස් 4කට පමණ ප්‍රහාරයක් එල්ල කිරීමට අලිවත්තේ විරාජ්ගේ පාර්ශ්වය කටයුතු කර තිබූ බවත් වාර්තා වුණා.