විදෙස් රටක දී ශ්‍රී ලාංකිකයින් ගමන් ගත් බස් රථයක් ප්‍රපාතයකට පෙරලෙයි - 27ක් තුවාල ලබයි.
Turkey
Accident
By krishani
අද(11) තුර්කියේ දී සිදු වූ බස් රථ අනතුරකින් අවම වශයෙන් ශ්‍රී ලාංකිකයන් 27 දෙනෙකු තුවාල ලබා ඇති බව විදෙස් මාධ්‍ය වාර්තා කළේ ය.
ඒ ශ්‍රී ලාංකිකයින් 39 දෙනෙකුගෙන් යුත් කණ්ඩායමක් ප්‍රවාහනය කරමින් සිටි බස් රථයක් තුර්කියේ ඉස්තාන්බුල් හි Eyupsultan දිස්ත්‍රික්කයේ දී මීටර් 6 ක ප්‍රපාතයකට පෙරලීමෙන් ය.
ඉස්තාන්බුල් ගුවන් තොටුපළේ සංවර්ධන ව්‍යාපෘතියක සේවය කරමින් සිටි ශ්‍රී ලාංකිකයන් පිරිස සේවා මුරය අවසන් කර ෂටල් බස් රථයෙන් ආපසු නිවෙස් බලා යමින් සිට තිබෙනවා.
එහි දී රියදුරුට රථය පාලනය කර ගත නොහැකි වීම හේතුවෙන් බස් රථය මාර්ගයෙන් ඉවතට පැන ප්‍රපාතයට පෙරළී ඇති බව වාර්තා වන්නේ.
කෙසේ වෙතත්, අනතුරින් ජීවිත හානි සිදු වී නොමැති බවත් තුවාලකරුවන්ගේ තත්ත්වය බරපතල නොවන බවත් එරට බලධාරීන් සඳහන් කළේ ය.
