ඉන්ධන බවුසරයක් සහ යුද හමුදා ජීප් රථයක් එකිනෙක ගැටෙයි..05ක් රෝහලේ..

නුවර පාරේ රදාවඩුන්න ප්‍රදේශයේදී අද (20) උදෑසන ඉන්ධන බවුසරයක් යුද හමුදා ජීප් රථයක ගැටීමෙන් අනතුරක් සිදු වුණා.

මෙම අනතුරින් යුද හමුදා නිලධාරීන් පස් දෙනකු තුවාල ලබා තිබෙන බවයි වාර්තා වන්නේ.

නිට්ටඹුව පොලිසිය පවසන්නේ, තුවාල ලැබූ හමුදා නිලධාරීන් ප්‍රතිකාර සඳහා වතුපිටිවල රෝහලට ඇතුළත් කර ඇති බවයි.

අනතුරට හේතුව මෙතෙක් අනාවරණය වී නොමැති අතර නිට්ටඹුව පොලිසිය සිද්ධිය සම්බන්ධයෙන් වැඩිදුර විමර්ශන සිදු කරයි.