ශ්‍රී ලංකා වේග පන්දු බලඇණියේ බිනුර ගැන දුක්බර ආරංචියක්..අද තරඟයේ සිදුවන දේ මෙන්න.

ශ්‍රී ලංකා ක්‍රිකට් කණ්ඩායමේ වේග පන්දු බලඇණියේ පන්දු යවන්නෙකු වන බිනුර ප්‍රනාන්දු හට කොරෝනා වෛරසය ආසාදනය වී තිබෙනවා.

ඊයේ (12) සිදු කරන ලද කොරෝනා පරීක්ෂණයකින් අනතුරුවයි ඔහු ආසාදිතයෙකු ලෙසට හඳුනාගෙන ඇත්තේ.

ඔහු පසුගියදා ආරම්භ වූ ශ්‍රී ලංකා - ඔස්ට්‍රෙලියා පන්දුවාර 20-20 ක්‍රිකට් තරගාවලියේ පළමු තරගයට ද සිය දායකත්වය ලබා දුන්නා.

මේ වනවිට ඔහුව ප්‍රතිකාර සහ නිරෝධායන කටයුතු සඳහා යොමු කර ඇති අතර, අද (13) පැවැත්වීමට නියමිත දෙවැනි පන්දුවාර 20-20 තරගය සඳහා ඔහුගේ පැමිණීම සිදු නොවෙනු ඇති.

මීට පෙර ද ශ්‍රී ලංකා කණ්ඩායමේ ක්‍රීඩකයින් රැසකටම කොවිඩ් 19 වෛසය ආසාදනය වුණා.