බෙලිඅත්තේ එකවර 05ක් ඝාතනයට තරුණියන් 02ක් ගහපු ගේමක් ලීක් වෙලා.. හක්මණ දී වැඩේ මාට්ටු වුණු හැටි මෙන්න..
Aruna
in ශ්‍රී ලංකාවබෙලිඅත්ත පොලිස් වසමේ දක්ෂිණ අධිවේගී මාර්ග පිවිසුම ආසන්නයේ දී පුද්ගලයින් පස්දෙනෙක් වෙඩිතබා ඝාතනය කිරීමේ සිදුවීමට සැකකාරියන් දෙදෙනෙක් අත්අඩංගුවට ගෙන තිබෙන බව වාර්තා වනවා.
පොලිසිය සදහන් කළේ, ඊයේ (29) උදෑසන හක්මණ පොලිස් ස්ථානයේ නිලධාරීන් කණ්ඩායමක් රත්ගම ප්‍රදේශයේ සිදුකළ මෙහෙයුමකින් අනතුරුව මෙම කාන්තාවන් දෙදෙනා අත්අඩංගුවට ගත් බවයි.
එලෙස අත්අඩංගුවට ගෙන ඇත්තේ අවුරුදු 23ක් හා 33ක් වන බූස්ස ප්‍රදේශයේ පදිංචිකරුවන් බවයි, පොලිස් මාධ්‍ය කොට්ඨාසය සඳහන් කළේ.
මෙම වෙඩිතැබීම සඳහා යොදාගත් ගිනි අවි දෙක එම ඝාතන සිදුකිරීමෙන් අනතුරුව මෙලෙස අත්අඩංගුවට ගත් එක් සැකකාරියකට අයත් යතුරු පැදියකින් කරාපිටිය ප්‍රදේශයේ සිට බූස්ස ප්‍රදේශයට ප්‍රවාහනය කර ඇති බවටයි පොලිසිය විසින් සිදුකළ විමර්ශනවලදී අනාවරණය වී ඇත්තේ.
මෙම සිද්ධිය සම්බන්ධයෙන් මේ වන විට සැකකරුවන් 06 දෙනෙකු අත්අඩංගුවට ගෙන ඇති අතර, හක්මණ පොලිසිය විසින් මේ සම්බන්ධයෙන් වැඩිදුර විමර්ශන සිදු කරයි.
