අවලෝකිතේශ්වර බෝධිසත්ව මානසික සායනයකට..
krishani
in ශ්‍රී ලංකාවබෞද්ධ දර්ශනයට අපහාස වන ලෙස කටයුතු කළැයි චෝදනා එල්ල වී ඇති අවලෝකිතේශ්වර නමින් පෙනී සිටි මහින්ද කොඩිතුවක්කු නැමැත්තා මානසික වෛද්‍ය පරීක්ෂණයකට යොමු කිරීමට නියමිත බව බන්ධනාගාර දෙපාර්තමේන්තුව සඳහන් කළේ ය.
ඒ එළැඹෙන අඟහරුවාදා ය.
අදාළ සැකකරු බන්ධනාගාර රෝහලේ මානසික රෝගී වාට්ටුව වෙත යොමුකර ඇති බව වාර්තා වේ.
සැකකරු සම්බන්ධයෙන් මානසික වෛද්‍ය වාර්තාවක් කැඳවන ලෙස පසුගියදා කොටුව මහේස්ත්‍රාත් තිළිණ ගමගේ මහතා නියෝග කළේ ය.
ඒ සිද්ධියේ නීති කෘත්‍යය පසුගිය 16 වැනි දා කොටුව මහේස්ත්‍රාත් අධිකරණයේ කැඳවූ අවස්ථාවේ දී ය.
රක්ෂිත බන්ධනාගාරගත කර සිටින සැකකරු මේ වනවිට බන්ධනාගාර රෝහලේ මානසික රෝගී වාට්ටුවේ රඳවා ඇති බව බන්ධනාගාර දෙපාර්තමේන්තුව සඳහන් කළේ ය.
ඒ අනුව එළැඹෙන අඟහරුවාදා බන්ධනාගාර රෝහල් පරිශ්‍රයේදීම සැකකරු මානසික සෞඛ්‍ය විද්‍යායනයේ වෛද්‍යවරු හමුවට යොමු කිරීමට නියමිත බව බන්ධනාගාර මාධ්‍ය ප්‍රකාශකවරයා පැවසීය.
මේ අතර, අද වන විට තර්ජනවලට ලක් ව ඇතැයි පවසමින් පූජ්‍ය ගලගම කුසලධම්ම හිමියෝ අපරාධ පරීක්ෂණ දෙපාර්තමේන්තුවට ඊයේ (19) පැමිණිලිල්ලක් ඉදිරිපත් කළහ.
ඒ මහින්ද කොඩිතුවක්කු නැමැත්තාට එරෙහි ව නීතිය ක්‍රියාත්මක කිරීමට පැමිණිලි කිරීම නිසා ය.
Sponsored By Sarrita Jewellery
