'ආවා' කල්ලි නායකයා එකවරම අත්අඩංගුවට - රටින් පනින්න ලෑස්තිත් වෙලා..

යාපනයේ කප්පම් ගැනීම් ඇතුළු විවිධ අපරාධ සිදුකළ 'ආවා' කල්ලියේ නායකයා අත්අඩංගුවට ගෙන තිබෙනවා.

ඒ ගල්කිස්ස, යශෝරාපුර ප්‍රදේශයේ දී ය.

මෙලෙස අත්අඩංගුවට ගෙන ඇත්තේ එම ප්‍රදේශයේ පිහිටි දෙමහල් නිවසක උඩුමහලේ රැඳීසිටිමින් විදේශගතවීමට සූදානම්ව සිටිය දී ය.

ප්‍රභාක‍රන් කෞසිකන් නොහොත් 'ප්‍රභා' නමැති අන්වර්ථ නාමයෙන් හඳුන්වනු ලබන මොහු ආවා කල්ලිය තුල KOINSI THAMPA යන අන්වර්ථ නාමයෙන් හදුන්වයි.

ඒ බව පොලිසිය සඳහන් කළේ ය.

මෙම සැකකරු අයිස් මත්ද්‍රව්‍යයට තදින්ම ඇබ්බැහි වූවෙකු වන අතර, අත්අඩංගුවට ගන්නා අවස්ථාවේ දී ද සැකකරු සන්තකයේ තිබී අයිස් ග්‍රෑම් 01 මිලිග්‍රෑම් 300ක් සොයා ගෙන තිබෙනවා.

කෙසේ වෙතත්, සිද්ධිය සම්බන්ධයෙන් ගල්කිස්ස පොලිසිය වැඩිදුර විමර්ශන සිදුකරනු ලබයි.

Sponsored By Sarrita Jewellery