ආසියානු ක්‍රිකට් ශූරතාවය ඉන්දියාවට - ලංකාවට රිදී පදක්කම
ඉන්දීය කාන්තා ක්‍රිකට් කණ්ඩායම ,ආසියානු ක්‍රීඩා උළෙලේ කාන්තා ක්‍රිකට් තරගාවලියේ රන් පදක්කම හිමිකරගැනීමට සමත්විය.
අවසන් තරගයේදී ප්‍රබල සටනකින් පසුව ඉන්දීය කණ්ඩායම හමුවේ පරාජයට පත්වූ ශ්‍රී ලංකා කාන්තා ක්‍රිකට් කණ්ඩායම එම ඉසව්වේ රිදී පදක්කම හිමිකරගත්තාය.
තරගය ලකුණු 19කින් ජයගැනීමට ඉන්දීය කාන්තා ක්‍රිකට් කණ්ඩායම සමත්විය.
තරගයේ කාසියේ වාසිය දිනා පළමුව පන්දුවට පහර දුන් ඉන්දීය කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 116ක් ලබා ගත්තා.
අනතුරුව ලකුණු 117ක ඉලක්කයක් හඹා ගිය ශ්‍රී ලංකා ක්‍රීඩිකාවන්ට නියමිත පන්දුවාර 20 අවසානයේ කඩුලු 8ක් දැවී ලබා ගත හැකි වූයේ ලකුණු 97ක් පමණයි.
ශ්‍රී ලංකාව වෙනුවෙන් හසිනි පෙරේරා ලකුණු 25ක් සහ නිලක්ෂි ද සිල්වා ලකුණු 23ක් ලබා ගත්තා. ඉන්දීය කණ්ඩායමේ ටිටස්ශාදු කඩුලු 3ක් සහරාජේස්වරි ගයක්වඩ් කඩුලු 2ක් දවා ගැනීමට සමත් වුණා.
ඒ අනුව ශ්‍රී ලංකා කාන්තා කණ්ඩායමට හිමි වූයේ ආසියානු ක්‍රීඩා උළෙලේ කාන්තා ක්‍රිකට් රිදී පදක්කමයි.
