අනතුරු ඇඟවීමක් නිකුත් වෙයි?. සියලූම සමාජ මාධ්‍ය ජාලා වලට මේ මොකක්ද වෙන්න යන්නෙ..
අමෙරිකාවේ ක්‍රියාතමක වන සියලු සමාජ මාධ්‍ය ජාලා සඳහා අනතුරු ඇඟවීමේ ලේබනයක් නිකුත් කළ යුතු බවට ඉල්ලීමක් කර තිබෙනවා.
මෙලෙස ඉල්ලීමක් කර ඇත්තේ එරට සෞඛ්‍ය ප්‍රධානි වෛද්‍ය විවේක් මූර්ති අමෙරිකානු කොන්ග්‍රසයෙන් ය.
එයට හේතුව සමාජ මාධ්‍ය හේතුවෙන් යෞවනයන් අතර මානසික සෞඛ්‍ය අර්බුදය ඇතිවිය හැකි බවයි.
තරුණ පරපුරට සිදුවෙන බලපෑම් සැළකිල්ලට ගෙන මෙම තීරණය ගෙන ඇති බව විදෙස් මාධ්‍ය සඳහන් කළේ ය.
කෙසේ වෙතත්, අවුරුදු 13ත් 17ත් අතර අමෙරිකාවේ තරණයින්ගෙන් 95%ක් සමාජ මාධ්‍ය භාවිතා කරන බව වාර්තා වේ.
මේ අතර, බ්‍රිතාන්‍යයේ මැතිවරණය සඳහා තරඟ කරන ලොව පළමු කෘත්‍රිම බුද්ධියෙන් නිර්මාණය කළ අපේක්ෂකයකු ඉදිරිපත් වන බව විදෙස් මාධ්‍ය වාර්තා කර තිබෙනවා.
එම අපේක්ෂකයාගේ නම ‘Al ස්ටීව්‘ ලෙස ඡන්ද පත්‍රිකාවල සඳහන් වීමට නියමිත බවයි එම වාර්තාවල සඳහන් වනුයේ.
ඔහු සමලිංගික හා සංක්‍රාන්ත ලිංගික ප්‍රජාවගේ අයිතිවාසිකම් වෙනුවෙන් ද, සංක්‍රමණිකයන් වෙනුවෙන් ද ඡන්ද ව්‍යාපාරයේ නිරතවනු ඇති බවත් වැඩිදුරටත් වාර්තා වේ.
කෙසේ වෙතත්, ලබන ජූලි මස 04 වැනිදා පැවැත්වෙන බ්‍රිතාන්‍ය මැතිවරණයේදී අපේක්ෂකයකු ලෙස ඉදිරිපත්වීමට නියමිත ස්ටීව් එන්ඩකෝට් වෙනුවෙන් එම කෘත්‍රිම බුද්ධියෙන් නිර්මාණය කරනු ලැබූ අපේක්ෂකයා නිවේදනය කර ඇති අතර, එන්ඩකෝට්ගේ ඡන්ද පත්‍රිකාවේ ද සටහන් වීමට නියමිතව ඇත්තේ ‘AI ස්ටීව්‘ ලෙස නිර්මාණය කළ මුහුණ බව ද විදෙස් මාධ්‍ය වැඩිදුරටත් වාර්තා කරයි.
