පියාගේ අපරික්ෂාකාරී ධාවනය පුංචි පුතුගේ දිවි රැගෙන යයි.

ඊයේ (23) රිදීමාලියද්ද ප්‍රදේශයේ දී දිරියගම සිට දෙමෝදර වැව දක්වා ඇති ඩී 01 ඇල ප්‍රදේශයේ දී අතුරු මාර්ගයක රිය අනතුරක් සිදු වී තිබෙනවා.

ඒ කිනිහිරිවැල්ල දෙස සිට දෙමෝදර දෙසට ධාවනය වූ යතුරු පැදියක් පැදිකරුට පාලනය කරගත නොහැකිව මාර්ගයෙන් ඉවතට පැනීමෙන් ය.

අනතුරෙන් තුවාල ලැබූ යතුරු පැදිකරු, ඔහුගේ බිරිඳ හා කුඩා දරුවා බිබිල රෝහලට ඇතුලත් කර තිබෙනවා.

පසුව කුඩා දරුවා මියගොස් ඇති බව පොලිසිය සඳහන් කළේ ය.

මෙලෙස මියගොස් ඇත්තේ වයස අවුරුදු දෙකහමාරක් වූ කිනිහිරිවැල්ල ප්‍රදේශයේ පදිංචි පිරිමි දරුවෙක් වේ.

කෙසේවෙතත්, යතුරුපැදිකරුගේ අපරීක්ෂාකාරී රිය ධාවනය හේතුවෙන් මෙම අනතුර සිදුව ඇති බව පොලිසිය පැවසීය.