බස් රථයක් ගිනි ගනී - 25 දෙනෙකුට මරණය අත් කළ මාරක බස් රථ අනතුර..

ඉන්දියාවේ මහරාෂ්ඨ ප්‍රාන්තයේ අධිවේගී මාර්ගයක බස් රථ අනතුරක් සිදු වී තිබෙනවා.

එම අනතුරින් කුඩා දරුවන් තුන්දෙනෙකු ඇතුලු 25 දෙනෙකු මියගොස් ඇති බව ඉන්දීය මාධ්‍ය වාර්තා කළේ ය.

ඒ යාවත්මහල් සිට පූනේ බලා ධාවනය වෙමින් තිබූ බස් රථය, බල්දානා ප්‍රදේශයේ දී ටයරයක් පුපුරා ගොස් ආරක්ෂක බැම්මක ගැටීමෙන් ගිනිගෙන තිබෙනවා.

එම ගින්නට හසුවීමෙන් මෙම පිරිස මියගොස් තිබෙනවා.

කෙසේවෙතත්, රියදුරු ඇතුලු අටදෙනෙකු පිළිස්සුම් තුවාල ලබා රෝහල් ගත කර ඇත.