ස්ත්‍රී දූෂණයකට වසර 8ක සිර දඬුවම් ලැබූ පුද්ගලයෙකු නිදොස් කොට නිදහස් වෙයි. - ඇත්තම හේතුව හෙළි වෙයි.
Wayomi
in ශ්‍රී ලංකාවතරුණ එක්දරු මවක් දූෂණය කිරීමේ සිද්ධියක් සම්බන්ධයෙන් දඬුවම් නියමව සිටි පුද්ගලයෙක්ව අභියාචනාධිකරණය විසින් නිදොස් කොට නිදහස් කර තිබෙනවා.
විත්තිකරු විසින් ගොනුකර තිබූ අභියාචනයක් සළකා බැලූ මේනකා විජේසුන්දර සහ ශෂී මහේන්ද්‍රන් යන විනිසුරු මඩුල්ල මෙම නියෝගය ලබාදී ඇති බවයි වාර්තා වන්නේ.
පොඩී නැමති එම පුද්ගලයා නිවසට ගෙනගොස් ඇරලවන බවට පොරොන්දු වී සිය යතුරුපැදියට නංවාගත් තරුණ එක්දරු මවක් කැලෑබද ප්‍රදේශයකදී දූෂණය කළ බවට චෝදනා එල්ල වී තිබුණා.
ඒ, අනුව 2022 වර්ෂයේ ඔක්තෝබර් මස 20 වනදා හම්බන්තොට මහාධිකරණය විසින් සැකකරුට එම චෝදනාවට වසර 8ක සිරදඬුවම් සහ රුපියල් 5000ක දඩයක් නියම කළ අතර මහාධිකරණය විසින් විත්තිකරු වෙත නියෝග කර තිබුණේ වින්දිත කාන්තාවට රුපියල් 150,000ක දඩයක් ද ගෙවන ලෙසට නියෝග කෙරුණා.
කෙසේ වෙතත් දූෂණයට ලක්වූයේ යැයි කියන කාන්තාව අධිකරණය හමුවේ ලබාදුන් සාක්ෂිය අනුව එවැනි දූෂණයක් ඇයගේ කැමැත්තකින් තොරව කිසිසේත්ම සිදුවිය නොහැකි බව පෙන්වාදෙමින් විත්තිකාර අභියාචක වෙනුවෙන් පෙනීසිටි ජ්‍යෙෂ්ඨ නීතිඥ ගාමිණී පෙරේරා මහතා කළ කරුණු දැක්වීම සලකා බැලූ අභියාචනාධිකරණ විනිසුරු මඩුල්ල ඇදලා සැකකරු නිදොස් කොට නිදහස් කිරීමට නියෝග කරනු ලැබුවා.
