ළමුන් දෙදෙනෙකු අපයෝජනය කළ පුද්ගලයෙකු සිවුරකින් වෙස් වලාගෙන මාට්ටු වුනු හැටි මෙන්න..
Aruna
in ශ්‍රී ලංකාවබාල වයස්කාර ළමුන් දෙදෙනෙකු බරපතල ලිංගික අපයෝජනයකට ලක්කර පලාගොස් සිටි සැකකරුවෙකු සිවුරකින් සැරසී වෙස්වලාගෙන සිටියදී අත්අඩංගුවට ගෙන තිබෙන බවටයි වාර්තා වන්නේ.
සැකකරු හිමිනමක ලෙස සැරසී අනුරාධපුර පූජා භූමියක සැඟව සිටියදී අත්අඩංගුවට ගත් බවටයි පොලිසිය ප්‍රකාශ කළේ.
අපයෝජනයකට ලක්කළ ළමුන් අවුරුදු 14 සහ 16 වයස්වල පසුවන්නන් බවටයි වාර්තා වන්නේ.
සිදුවීමෙන් පසුව සැකකරු පලාගොස් මාස අටක පමණ සැඟවී සිටි බවටයි නිකවැරටිය මූලස්ථාන පොලීසිය ප්‍රකාශ කර ඇත්තේ.
සැකකරු හිමිනමක් සේ අනුරාධපුරයේ පූජා භූමියක් ආශ්‍රිතව සිටින බවට ලද තොරතුරක් මත උපක්‍රමශීලීව අත්අඩංගුවට ගත් බවටයි පොලීසිය ප්‍රකාශ කර තිබෙන්නේ.
සැකකරු පාසැල් මුරකරුවෙකු මෙන්ම උපකාරක පංති ගුරුවරයෙකු බව තහවුරු වී තිබේ. 48 හැවිරිදි එක්දරු පියෙකු වන මොහු අද (04) නිකවැරටිය මහේස්ත්‍රාත් අධිකරණයට ඉදිරිපත් කිරීමට නියමිත බව පොලීසිය පැවසුවේ.
