රිලා රංචුවක් දැරියක් හපා කාලා - රතිඤ්ඤා දාලම අතේ මෙලෝ පිච්චියක් නෑ.. දවසින් දවස උඩු දුවන රිලා කරදරේ.. (PHOTOS)
krishani
in ශ්‍රී ලංකාවඊයේ (23) මාවනැල්ල ප්‍රදේශයේ නිවෙසේ මිදුලක සිටි නව හැවිරිදි දැරියකගේ ඇඟට රිළව් රංචුවක් පැන සපා කෑමේ සිද්ධියක් පිළිබඳව තොරතුරු වාර්තා විය.
ඒ මාවනැල්ල, වේරකේ ප්‍රදේශයේ ය.
එම සිද්ධිය සම්බන්ධයෙන් දියණියගේ මව පැවසුවේ මෙවැන්නකී,
"මම ඒ මොහොතේ වී තම්බලා මිදුලේ වේළමින් සිටියා. පාසල් යන මාගේ පුතා වී කන්න රිළව් පනින නිසා එළවමින් හිටියේ. ඒ වෙලාවේ දුව මිදුලේ හිටියේ. දුව ඉන්න තැනට රිළව් හතර දෙනෙක් ඇවිත් මෙයාගේ ඇඟට පැනපු ගමන් මෙයා දුවන්න ලැස්ති වෙනකොට මිදුලේ ඇද වැටුණා.
එතකොට කකුලේ කලවා ප්‍රදේශයේ රිළව් සපා කළා තිබුණා. උන් මිනිස්සු අපිටත් බය නැහැ. පුතා තමයි ගෙදර තිබුණු රෙක්කේ ගෙනත් රිළවුන්ට ගහලා එළවා ගත්තේ. සිද්ධියෙන් පස්සේ අපි ඉක්මනින් දුවව මාවනැල්ල රජයේ රෝහලට අරන් ගියා.
දොස්තර මහත්තයා අපිට කිව්වා රිළව්ට ලේ රස වැටුනොත් දිගින් දිගටම දරුවන් වගේම මිනිස්සු සපා කන්න බැරි නැහැ කියලා" යනුවෙන් ය.
මේ වන විට කෑගල්ල දිස්ත්‍රික්කයේ බොහෝ ප්‍රදේශවල ජනතාව රිළව් නිසා දැඩි පීඩාවකට පත්ව සිටින බව ගගන අපට වාර්තා වුණා.
පසුගියදා දිස්ත්‍රික් ලේකම් කාර්යාලය අනාවරණය කළේ කෑගල්ල දිස්ත්‍රික්කයේ පමණක් රිළා ගහණය ලක්ෂය ඉක්මවා ගොස් ඇති බවයි.
කැළෑවල සිටින රිලවුන් ගම් වදින හේතුවෙන් වගාවන් රැසක් විනාශ කරන බවත් නිවාස තුළට රින්ගා පිසූ ආහාර පවා රැගෙන යන බවත් එම ප්‍රදේශයේ ජනතාවට සඳහන් කළේ ය.
ගෙවත්තේ වගා කරමින් ආහාර අවශ්‍යතාව පිරිමසා ගත හැකි වුව ද රිලා කරදරය දිනෙන් දින උග්‍ර වීම හේතුවෙන් එම ප්‍රදේශයේ ජනතාව මහත් ගැටලු රැසකට මේ වන විට පත්ව තිබෙනවා.
කෙසේ වෙතත්, බලධාරීන් කොතෙක් දැනුවත් කළ ද මේ සඳහා නිසි පියවරක් ගෙන නොමැති බව ජනතාව චෝදනා කළේ ය.
Sponsored By Sarrita Jewellery
