රජයේ විශ්වවිද්‍යාලයක ගුටි බැට හුවමාරුවක් රෝහලෙන් නවතී..

ශ්‍රී ලංකා සබරගමුව විශ්වවිද්‍යාලයේ කෘෂි විද්‍ය පිඨයේ දෙවැනි වසරේ ඉගනුම ලබන සිසුන් තිදෙනකුට එම විශ්වවිද්‍යාලයේම සිසුන් පිරිසක් පහර දී ඇති පුවතක් වාර්තා වේ.

එලෙස පහර දිමෙන් තුවාල ලබා ඔවුන් රෝහල් ගත කර ඇති බව සමනල වැව පොලිසිය සඳහන් කළේ ය.

පොලිසිය සඳහන් කළේ ඔවුන් පඔහින්න රෝහලට ඇතුළත් කර ඇති බවයි.

ඔවුන් අතරින් සිසුන් දෙදෙනකු වැඩිදුර ප්‍රතිකාර සදහා බලන්ගොඩ මුලික රෝහලට මාරු කර යවා ඇත.

දෙවැනි වසරේ ඉගෙනුම ලබන සිසුන් පිරිසක් පිටතින් ආහාර රැගෙන විත් කෘෂි විද්‍ය පිඨයේ ආපන ශාලාවේ ආහාර ලබා ගනිමින් සිටියදී ජ්‍යෙෂ්ඨ සිසුන් පිරිසක් පැමිණ තිබෙනවා.

එහිදී පහර දිමක් සිදු කළ බව ඔවුන් විසින් පොලිසිය වෙත සදහන් කළේ ය.