දායකයින්ගේ ගුටි බැට පූජාව - හිමිවරුන් දෙන්නෙක් එක්ක පොලිස් නිළධාරියෙකුත් රෝහලේ.. බලන්නකෝ එකපාරම වෙලා තියෙන දේ..

වැල්ලව නගරයේ මත්පැන් අලෙවිසැලක් ආරම්භ කිරීම සඳහා අනුමැතියක් ලබා දුන් බව කියන සිද්ධියක් සම්බන්ධයෙන් තොරතුරු වාර්තා වේ.

එය මුල් කර ගනිමින් ගැටුමක් ඇති වී තිබෙනවා.

එහිදී ප්‍රදේශවාසින් පිරිසක් සමඟ ඇති වූ ආරවුලක දී පහර කෑමට භික්ෂූන් වහන්සේලා දෙනමක් සහ පොලිස් නිලධාරියෙකු ලක් වී ඇත.

ඒ අනුව ඔවුන් ප්‍රතිකාර සඳහා රෝහල් ගතකර තිබෙනවා.

මෙම ගැටලුකාරී තත්ත්වය ඇති වී තිබෙන්නේ වැල්ලව නගරයේ පිහිටි විහාරස්ථාන භූමියක දී යි.

වැල්ලව නගරයේ පවත්වාගෙන යන බීර අලෙවිසැලට අමතරව තවත් මත්පැන් අලෙවිසැලක් ආරම්භ කිරීම සඳහා විරෝධතාවයක් නොමැති බවට එම විහාරස්ථානයේ විහාරාධිපති හිමියන් අනුමැතිය ලබා දී ඇති බවට සැක කරමින් ඒ සම්බන්ධයෙන් විහාරස්ථානයේ දායකයන් ඇතුළු පිරිසක් විරෝධය පළ කර ඇත.

එම අවස්ථාවේ දී මෙම ගැටුම්කාරී තත්ත්වය හටගෙන තිබෙන බවට වාර්තා වේ.