B-Love Kandy කණ්ඩායමට සුපිරි ජයක් - 2023 ලංකා ප්‍රිමියර් ලීග් තරගාවලියේ තත්ත්වය.
අද (04) පල්ලේකැලේ අන්තර්ජාතික ක්‍රිකට් ක්‍රීඩාංගණයේ දී 2023 ලංකා ප්‍රිමියර් ලීග් තරගාවලියේ දඹුල්ල අවුරා කණ්ඩායම හා බී ලව් කැන්ඩි කණ්ඩායම අතර තරගය පැවැත්විණ.
එහිදී කාසියේ වාසිය ලබාගත් දඹුල්ල අවුරා කණ්ඩායම පළමුව පන්දුවට පහර දීමට කටයුතු කළේ ය.
පන්දු වාර 20 අවසානයේ දී කඩුලු 06 ක් දැවී ලකුණු 156ක් ලබා ගැනීමට ඔවුන් සමත් වූ අතර අවිශ්ක ප්‍රනාන්දු ලකුණු 32ක් ද ධනංජය ද සිල්වා ලකුණු 61 ක් ද හිමි කර ගනු ලැබීය.
පිළිතුරු ඉනිම ක්‍රීඩා කිරීමට පිටියට පිවිසි B-Love Kandy කණ්ඩායම පන්දු වාර 18 යි පන්දු 3 දී ලකුණු 160 ක් ලබා කඩුලු 07 න් තරගය ජයග්‍රහණය කළේ ය.
B-Love Kandy කණ්ඩායම වෙනුවෙන් දිනේෂ් චන්දිමාල් ලකුණු 48 ක් ද Fakhar Zaman ලකුණු 28ක් ද ලබා ගත්තේ ය.
කෙසේ වෙතත්, මෙහිදී විශේෂත්වය වන්නේ B-Love Kandy කණ්ඩායම 2023 ලංකා ප්‍රිමියර් ලීග් තරගාවලියේ මේ දක්වා සහභාගි වූ තරග තුනෙන් තරග දෙකක්ම පරාද වී අද තරගය පමණක් ජයග්‍රහණය කිරීමයි.
