ලෝක කුසලානයේ තීරණාත්මක තරග කිහිපයක් අද ඇරඹෙයි..

Cricket Indian Cricket Team New Zealand Cricket Team 2024 T20 World Cup Cricket Tournament

By Aruna Jun 15, 2024 12:46 AM GMT

Aruna

in ක්‍රිකට්

Report

2024 T20 ලෝක කුසලාන ක්‍රිකට් තරගාවලියේ අද (15) පැවැත්වෙන 32 වැනි තරගයේ කාසියේ වාසිය දිනා ගැනීමට නවසීලන්ත කණ්ඩායම සමත් වී තිබෙනවා.

උගන්ඩාව සමග පැවැත්වෙන මෙම තරගයේ කාසියේ වාසිය දිනාගත් නවසීලන්තය තීරණය කළේ, පළමුවෙන් පන්දු රැකීමටයි.

ශ්‍රී ලංකා වේලාවෙන් අද උදෑසන 06.00ට ආරම්භ වන එම තරගය Brian Lara Stadium, Tarouba, Trinidad හිදී පැවැත්වීමට නියමිතව ඇත.

ශ්‍රී ලංකා වේලාවෙන් අද අලුයම 05.00ට ආරම්භ වූ 31 වැනි තරගය වූ දකුණු අප්‍රිකා - නේපාල තරගයේ කාසියේ වාසිය හිමිකර ගැනීමට නේපාලය සමත් වුණා.

නේපාලයේ ආරාධනයෙන් දකුණු අප්‍රිකාව මේ වනවිට Arnos Vale Ground, Kingstown, St Vincent හිදී පන්දුවට පහරදෙමින් පවතී.

එමෙන්ම T20 ලෝක කුසලානයේ 33 වැනි තරගය ලෙසින් ඉන්දියාව සහ කැනඩාව සහභාගීවන තරගය ශ්‍රී ලංකා වේලාවෙන් අද රාත්‍රී 08.00 ට Central Broward Regional Park Stadium Turf Ground, Lauderhill, Florida හිදී ද, 34වැනි තරගය ලෙසින් නැමීබියාව සහ එංගලන්තය Sir Vivian Richards Stadium, North Sound, Antigua හිදි ශ්‍රී ලංකා වෙලාවෙන් අද රාත්‍රී 10.30ට තරග වැදීමට නියමිතව තිබේ.