දොඹකරයක් කඩා වැටීමෙන් කම්කරුවන් 16 දෙනෙකු ජීවිතක්ෂයට පත්වෙයි.(PHOTOS)
ඉන්දියාවේ මහාරාෂ්ට්‍ර ප්‍රාන්තයේ ෂහාපූර් ප්‍රදේශයේදී ඉදිකිරීම් ස්ථානයක දොඹකරයක් කඩා වැටීමෙන් කම්කරුවන් 16 දෙනෙකු ජීවිතක්ෂයට පත්ව තිබෙන අවාසනාවන්ත පුවතක් වාර්තා වනවා.
විදෙස් මාධ්‍ය වාර්තා සඳහන් කළේ, සමෘද්ධි අධිවේගී මාර්ගයේ ඉදිකිරීම් කටයුතුවල නිරතව සිටි සේවකයින් පිරිසක් මතට මෙම දොඹකරය කඩා වැටී ඇති බවයි.
මෙම අනතුරින් තුවාල ලැබූ තවත් කම්කරුවන් තිදෙනෙකු රෝහල් ගතකර ඇති අතර, ඔවුන් ප්‍රතිකාර ලබමින් සිටින බවයි වාර්තා වන්නේ.
ඉන්දීය පොලිසිය පවසන්නේ, කඩාවැටුණු දොඹකරයේ සුන්බුන්වලට යටව තවත් පුද්ගලයින් පස්දෙනෙකු පමණ සිර වී සිටින බවයි.
අද අලුයම් කාලයේ මෙම අනතුර සිදුව ඇති බව පොලිසිය පවසනවා.
මෙම අනතුර සම්බන්ධයෙන් ඉන්දීය අග්‍රාමාත්‍ය නරේන්ද්‍ර මෝදි සිය ශෝකය ප්‍රකාශ කළකර ඇති අතර, ජීවිතක්ෂයට පත් වූ අයගේ පවුල් සඳහා රුපියල් ලක්ෂ 02ක වන්දියක් ලබාදීමට නියෝග කර තිබෙන බව ඉන්දීය මාධ්‍ය වාර්තා වැඩි දුරටත් තහවුරු කරයි.
