මියගිය දැරියක් රෝහලට ඇතුළත් කළ පලාගිය තරුණයෝ..

 15 හැවිරිදි දැරියක් රෝහලට ඇතුළත් කර වෛද්‍යවරයා පරීක්ෂා කිරීමෙන් අනතුරුව මියගොස් ඇතැයි කී විට ඇතුළත් කළ තරුණයන් දෙදෙනා පලාගිය පුවතක් ගම්පහ රෝහලින් වාර්තා වනවා 

මෙම තරුණයන් දෙදෙනා මෝටර් රථයකින් දැරියව රෝහලට රැගෙනවිත් ඇති අතර දැරිය සිහිසුන්ව සිටි බැවින් ඇය වහාම හදිසි ප්‍රතිකාර ඒකකයට ඇතුළත් කරගෙන තිබෙනවා. එහි දී වෛද්‍යවරයෙකු විසින් දැරිය පරික්ෂා කර ඇති බවත් ඒ වන විටත් දැරිය මිය ගොස් ඇති බවත් වෛද්‍යවරයා පවසා තිබෙනවා.

මේ අවස්ථාවේදී ඉතා රහසිගත ලෙස එම දැරිය රැගෙන විත් සිටි තරුණයන් දෙදෙනා රෝහලෙන් පලා ගොස් ඇතැයි පොලිසිය පවසනවා.

දැරියව රෝහලට රැගෙන ආ තරුණයන් දෙදෙනා පැමිණි මෝටර් රථය සහ එම තරුණයින් දෙදෙනා හඳුනා ගැනීම සඳහා පොලිසිය රෝහලේ ආරක්ෂිත කැමරා පද්ධතිය පරීක්ෂා කිරීම් සිදුකරන බවයි රෝහල් පොලීසිය පවසන්නේ.

මියගොස් ඇති දැරිය පිළිබඳ මෙතෙක් කිසිදු තොරතුරක් අනාවරණය වී නොමැති බව පවසන පොලිසිය එම දැරිය කවුරුන් ද යන්න තහවුරු කර ගැනීම සඳහා මේ වන විටත් පරීක්ෂණ ආරම්භ කර තිබෙනවා.