අත්‍යාවශ්‍ය භාණ්ඩ කිහිපයක මිල ගැන එකවරම ගත් තීරණය මෙන්න - අද සිට වහාම ක්‍රියාත්මකයි..
පාරිභෝගික අධිකාරිය විසින් විශේෂ දැනුම්දීමක් සිදුකර තිබෙනවා.
ඒ අද (24) සිට අත්‍යාවශ්‍ය භාණ්ඩ කිහිපයක තොග සහ සිල්ලර මිල සතියකට දින තුනක් මාධ්‍ය හරහා ප්‍රදර්ශනය කරන බවයි.
ඒ අනුව පාරිභෝගික අධිකාරිය හා දේශීය ආදායම් දෙපාර්තමේන්තුව එක්ව අත්‍යාවශ්‍ය භාණ්ඩ කිහිපයක තොග සහ සිල්ලර මිල අද සිට සදුඳා, අඟහරුවාදා සහ බදාදා දිනවල දී මාධ්‍ය හරහා ප්‍රදර්ශනය කරනු ලබයි.
එම අධිකාරියේ සභාපති ශාන්ත නිරිඇල්ල මහතා සඳහන් කළේ වියළි මිරිස්, සුදු සීනි, හාල්මැස්සන්, ආනයනික ලොකු ළුෑනු සහ මයිසුර් පරිප්පුවල මිල එලෙස ප්‍රදර්ශනය කරන බවයි.
මේ අතර, පාරිභෝගික ජනතාව චෝදනා කළේ පසුගිය 22 වැනිදා සිට බස්නාහිර පළාත තුළ බිත්තර බෙදා හැරීම ආරම්භ කරන බව ලංකා සතොස සභාපතිවරයා ප්‍රකාශ කළ ද බොහෝ ප්‍රදේශවලට බිත්තර ලැබී නොමැති බවයි.
ඉන්දියාවේ සිට මෙරටට ආනයනය කළ බිත්තර ලංකා සතොස හරහා පාරිභෝගිකයින්ට අලෙවි කෙරුණ ද පසුගිය දින කිහිපයේ සිට සතොස අලෙවිසැල්වල බිත්තර හිඟයක් මතුව තිබිණ.
එවන් පසුබිමක පසුගියදා වෙළෙඳ අමාත්‍යාංශය පියවර ගනු ලැබුවේ සතොස හරහා රුපියල් 35කට අලෙවි කළ ආනයනික බිත්තරයක් රුපියල් 43කට අලෙවි කිරීමටයි.
කෙසේ වෙතත්, ලංකා සතොස සභාපති පසඳ යාපා අබේවර්ධන සඳහන් කළේ බස්නාහිර පළාත තුළ බිත්තර බෙදාහැරීම පෙරේදා සිට ආරම්භ කළ බවයි.
Sponsored By Sarrita Jewellery
