විවාහ වන අයට සුබ ආරංචියක් - උත්සව ශාලාව, පෝරු චාරිත්‍ර , ආහාර සම්පුර්ණයෙන් නොමිලේ..!
විවාහ මංගල උත්සව සඳහා නොමිලේ ලබාදීම සඳහා විවාහ මංගල උත්සව ශාලාවක් පන්නිපිටිය ශ්‍රී දෙව්රම් මහා විහාරස්ථානයේ ඉදි කර තිබේ.
කොලොන්නාවේ සුමංගල නාහිමියන් සඳහන් කරන්නේ විවාහ උත්සව සිදු කරන පෝරුවේ චාරිත්‍ර සෙත් පිරිත් සජ්ඣායනා හා අනෙකුත් සිරිත් සඳහා අවශ්‍ය සියලුම පහසුකම් වලින් එම ශාලාව සමන්විත වන බවයි.
ආර්ථික ශක්තියක් නොමැති කම නිසා විවාහ උත්සව කල් දමා සිටින තරුණ තරුණියන්ට එම ශාලාව නොමිලේ ලබාදෙන බවද පැවසූ උන්වහන්සේ එහි ආසන 200 කින් සමන්විත බව ද සඳහන් කළහ.
උත්සව ශාලාව නොමිලේ ලබාගෙන අමුත්තන් සඳහා ආහාර ලබා දීමට අපහසු නම් එම ආහාර පාන ද නොමිලේ ලබාදීමට තමන් වහන්සේ කටයුතු කරන බවත් සුමංගල හිමියෝ කියා සිටියහ.
විවාහ මංගල උත්සව සිදු කිරීමට අවශ්‍ය මුදල් ආධාර ලබාදීමට විවිධ සංවිධාන ඉදිරිපත්ව සිටින බවද උන්වහන්සේ තවදුරටත් කියා සිටියහ.
මෙම ශාලාව තුළ සරල සංගීතය භාවිත කිරීමට අවසර තිබෙන නමුත් මත් වතුර පානය සපුරා තහනම් බව ද උන්වහන්සේ තවදුරටත් පැවසූහ
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන WhatsApp,වෙත පිවිසෙන්න... |
ඔබ යාපනයට යන සංචාරකයෙක් නම්, .....ලංකාවේ විශාලතම ගොවිපළවල් වලින් එකක් වන "රීචා කාබනික" ගොවිපල නැරඹීමට අතපසු නොකරන්න. කාබනික නැවුම් ආහාර රස විඳීමට, නවාතැන් පහසුකම් සහ විනෝදාස්වාදය ලබා ගැනීම වගේම තවත් සුපිරි වාසි රැසක්. |
