දැන් ජල සැපයුමටත් බාධා? ජනතාවට විශේෂ දැනුම්දීමක්

දිවයින පුරා වාර්තා වී ඇති විදුලි බිඳවැටීම හේතුවෙන් ජල සැපයුම් මෙහෙයුම්වලට බාධා එල්ල විය හැකි බව ජාතික ජල සම්පාදන හා ජලාපවහන මණ්ඩලය අනතුරු අඟවයි.

ඒ අනුව, පවතින තත්ත්වය සැලකිල්ලට ගෙන ජලය අරපිරිමැස්මෙන් භාවිත කරන ලෙස මණ්ඩලය සියලුම පාරිභෝගිකයන්ගෙන් ඉල්ලා සිටී.

විදුලි සැපයුමේ බිඳවැටීම් හේතුවෙන් ජල පිරිපහදු සහ බෙදාහැරීමේ කටයුතුවලට බලපෑම් ඇතිවීමේ හැකියාව සැලකිල්ලට ගනිමින් මෙම ඉල්ලීම සිදුකර තිබේ.

මේ අතර, පවතින තත්ත්වය හේතුවෙන් පාරිභෝගිකයන්ට සිදුවිය හැකි ඕනෑම අපහසුතාවක් සම්බන්ධයෙන් ජාතික ජල සම්පාදන හා ජලාපවහන මණ්ඩලය සිය කණගාටුව පළ කර ඇත.