මහ රෑට ගෙවල්වලට පැනලා රත්රන් බඩු සොරකමේ ගිය පුද්ගලයෙකුට සිදු වූ දේ..

රුපියල් කෝටි එකහමාරකට ආසන්න වටිනාකමකින් යුත් රන් ආභරණ සොරකම් කළ හමුදාවෙන් පලා ගිය බෝම්ඹුවල - කොස්හේන ප්‍රදේශයේ පදිංචි 42 හැවිරිදි පුද්ගලයෙකු අත්අඩංගුවට ගෙන ඇත.

මෙම පුද්ගලයා රාත්‍රී කාලයේ නිවෙස් වලට ගොස් ස්කුරුප්පු නියනක් භාවිතා කරමින් දොර ජනෙල් කඩා ඇතුල්වී රන්මාල, වලලු, මුදු , කරාබු සහ අත්පලදනා සොරකම් කර ඇති බව කළුතර කොට්ඨාස අපරාධ විමර්ශන ඒකකය සඳහන් කළේ ය.

ඔහු මතුගම , දොඩංගොඩ සහ මීගමුව පොලිස් වසම් තුල නිවාස බිදීම් කර ඇති අතර සොරකම් කරන ලද රන් ආභරණ අනුරාධපුර ඇතුළු ප්‍රදේශ කිහිපයක පෞද්ගලික උකස් මධ්‍යස්ථාන වෙත උකස් කර තිබී සොයාගෙන ඇත.