පාසලේ මැරතන් තරඟයේදී බසයකට යටවී සිසුවෙකු මරුට..

චාවකච්චේරි පොලීසිය ප්‍රකාශ කළේ, යාපනය චාවකච්චේරි මීසාලෙයි ප්‍රදේශයේදී අද (01) උදෑසන ධාවනය වූ ලංගම බස්රථයකට පාපැදියක් යටවීමෙන් ඒහි ගමන්ගත් 18 හැවිරිදි උසස්පෙළ හදාරන සිසුවෙකු මිය ගොස් ඇති බවයි.

පොලීස් පරික්ෂණවලදී හෙලි වී ඇත්තේ, චාවකච්චේරි හින්දු විද්‍යාලයේ වාර්ෂික මැරතන තරඟයට ක්‍රීඩාකරන තරඟකරුවන් දිරිගැන්වීම සඳහා මෙම සිසුවා සිය පාපැදියෙන් මාර්ගයේ ගමන්කරමින් සිටියදී යාපනයේ සිට කොළඹ බලා ධාවනය වූ ලංගම බස්රථයක ගැටීමෙන් මෙම අනතුර සිදුව ඇති බවයි.

අනතුරේදී බස්රථයේ වේගය රියුදුරුට පාලනය කරගැනීමට නොහැකිව අසල තලගසක වැදී බස්රථය නැවතී අතර අනතුරින් බරපතල තුවාල ලැබූ පාසල් සිසුවා චාවකච්චේරි රෝහලට ඇතුලත් කොට වැඩිදුර ප්‍රතිකාර සඳහා යාපනය ශික්ෂණ රෝහලට ඇතුලත් කිරීමෙන් පසුව මිය ගොස් ඇත.

මෙම අනතුරින් මිය ගොස් ඇත්තේ යාපනය මීෂාලෙයි නැගෙනහිර ප්‍රදේශයේ පදිංචි 18 හැවිරිදි උසස්පෙළ හදාරන එස්.ප්‍රනීදරන් නම් සිසුවෙකි.

අනතුරින් පසුව ලංගම බස්රථයේ සිටි මගීණ් වෙනත් බස්රථයකින් ප්‍රවාහනය කොට අනතුරට පත් බස් රථයේ රියදුරු අත්අඩංගුවට ගැනීමට චාවකච්චේරි පොලීසිය වසීන් පියවර ගෙන ඇති අතරම අනතුර සම්බන්ධයෙන්ද වැඩිදුර පරික්ෂන සිදුකරයි.