තව සතියක් ඇතුළත ශ්‍රී ලංකාවට වෙන දේ මෙන්න... සියලු දෙනා අවධියෙන් සිටින්න.
ඖෂධ, ඉන්ධන, ගෑස් නෑ.. සතියකින් සියලූ රජයේ රෝහල් වසා දැමීමේ තත්ත්වයක්… ‘රෝහල් වෛද්‍යවරුන් ඇතුළු සේවක මණ්ඩලයට ඉන්ධන පහසුකම්, ගෑස් පහසුකම්, අත්‍යවශ්‍ය ඖෂධ නොසැපයුවහොත් තව සතියකින් පමණ සියලූ රජයේ රෝහල් වසා දැමීමේ තත්ත්වයකට පත්වේවි’ යැයි රජයේ වෛද්‍ය නිලධාරීන්ගේ සංසදයේ සභාපති වෛද්‍ය රුක්ෂාන් බෙල්ලන මහතා පවසනවා.
රෝහල්වල පවතින මෙම ප‍්‍රායෝගික ගැටලුවලට රජය විසඳුම් ලබා නොදෙමින් නිද්‍රාශීලී පිළිවෙතක් අනුගමනය කරමින් සිටින බව ද හෙතෙම කියා සිටියා.
මෙහිදී තවදුරටත් කතා කළ වෛද්‍ය රුක්ෂාන් බෙල්ලන මහතා මෙසේ ද කියා සිටියේය. ‘තව සතියක් යද්දී ලංකාවේ සියලූ රජයේ රෝහල් වැහෙන තත්ත්වයට පත්වේවි.
වෛද්‍යවරුන්ට, රෝහල් කාර්ය මණ්ඩලයට රාජකාරියට වාහනවලින් එන්න ඉන්ධන ගැටලූවකුත් මතුවෙලා.
රෝහල්වල ප‍්‍රතිකාර ගන්න රෝගීන්ට, සේවකයන්ට කෑම ටික උයන්න ගෑස් ප‍්‍රශ්නයක් ඉදිරියේදී මතුවෙන්න පුළුවන්.
රෝගීන්ට දෙන්න ඖෂධ නැහැ. මේ ගැටලූ රජයේ බලධාරීන්ට පේන්නේ නැහැ.
මේ තත්ත්වය උඩු දුවනකල් ද බලාගෙන ඉන්නේ?
මේක උඩු දිව්වොත් සමස්ත රෝහල් පද්ධතියම වහන්න වේවි.
රජය රෝහල් සේවාව අත්‍යවශ්‍ය සේවාවක් බවට පත් කළාට වැඩක් නැහැ.
වෛද්‍යවරුන්ට, සේවකයන්ට, වාහනවලින් වැඩට එන්න තියෙන වාහනවලට ඉන්ධන නැත්නම්.
කොහොමද සේවයට එන්නේ? දැනටමත් කළුබෝවිල රෝහලේ ආපන ශාලා වැහිලා.
අනිත් රෝහල්වල තත්ත්වත් එහෙමයි’
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... |
