ප්‍රධාන බන්ධනාගාරයක් ඉදිරි පිට වෙඩි තැබීමක්..හදිසියේම සිදු වූ දේ මෙන්න.
Aruna
in ශ්‍රී ලංකාවබොරැල්ල මැගසින් බන්ධනාගාරය ඉදිරිපිට මහල් නිවාස සංකීර්ණයක් අසල වෙඩි තැබීමක් සිදුව තිබෙන බව වාර්තා වනවා.
පොලීසිය සඳහන් කළේ, ඊයේ (19) රාත්‍රී සිදුවූ මෙම වෙඩි තැබීමෙන් පුද්ගලයෙකු තුවාල ලබා ප්‍රතිකාර සඳහා කොළඹ ජාතික රෝහලට ඇතුළත් කර ඇති බවයි.
බොරැල්ල ආනන්ද රාජකරුණා මාවතේ පිහිටි සුඛෝපභෝගී මහල් නිවාස සංකීර්ණය ඉදිරිපිටදී යතුරුපැදියකින් පැමිණි තුවක්කුකරුවෙකු විසින් මෙම වෙඩිතැබීම සිදුකර තිබෙන බවයි වාර්තා වන්නේ.
මෙම වෙඩි වැදීමෙන් තුවාල ලබා ඇත්තේ 38 හැවිරිදි අදාළ නිවාස සංකීර්ණයේ කුලී පදනම මත සිටින පුද්ගලයෙකු බවයි පොලීසිය වැඩිදුරටත් සඳහන් කළේ.
තුවාල ලැබූ පුද්ගලයා මත්ද්‍රව්‍ය ජාවාරම්වලට සම්බන්ධ පුද්ගලයෙකු බවටයි හඳුනාගෙන ඇත්තේ.
පොලීසිය සිදුකළ මූලික විමර්ශනවලින් අනාවරණය වී තිබෙන්නේ, ඔහු මීට දින කිහිපයකට පෙර රක්ෂිත බන්ධනාගාරගතව සිට ඇප ලබා පැමිණ සිටි පුද්ගලයෙකු බවයි.
පොලීසිය විසින් සිදුකළ මූලික විමර්ශනවලින් අනාවරණය වී ඇත්තේ, සැකකරුවන් මෙතෙක් හඳුනාගෙන නොමැති අතර බොරැල්ල පොලීසිය මේ සම්බන්ධයෙන් වැඩිදුර විමර්ශන ආරම්භ කර තිබෙන බවයි.
