මෙරට පාසල් සිසුවියන් සම්බන්ධයෙන් කනගාටුදායක ආරංචියක්..හේතුව මෙන්න.

සනීපාරක්ෂක තුවාවල මිල අධික ලෙස ඉහළ යාම නිසා ග්‍රාමීය පාසල් සහ විශ්වවිද්‍යාල සිසුවියන් අධ්‍යයන කටයුතු සඳහා පැමිණීම බරපතළ අඩුවක් පෙන්නුම් කරන බව වෛද්‍යවරුන් පෙන්වා දෙනවා.

වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිති සන්ධානයේ සභාපති වෛද්‍ය චමල් සංජීව මහතා මේ බව අවධාරණය කළා.

එහිදී ඔහු වැඩිදුරටත් අදහස් දක්වමින් කියා සිටියේ මෙය ඉතාමත්ම කනගාටුදායක තත්ත්වයක් බවත් රජය මේ ගැන අවධානය යොමුකළ යුතු අතර සෞඛ්‍ය රාජ්‍ය අමාත්‍යවරිය විසින් කාන්තා සෞඛ්‍ය ගැන විශේෂ අවධානය යොමුකළ යුතු බවයි.