රට පුරා සියලු පාසල් වලට අද සිට ගත් තීරණය මෙන්න..

රජයේ සහ රජයේ අනුමත සියලුම පාසල් අගෝස්තු නිවාඩුව සඳහා අද සිට වසා තැබෙනවා.

2023 අධ්‍යයන වර්ෂය සඳහා දෙවන පාසල් වාරය ජූලි මස 24 වන දින ආරම්භ විය.

අධ්‍යාපන අමාත්‍යාංශය පැවසුවේ, අගෝස්තු 28 වනදා පාසල්වල අධ්‍යයන කටයුතු යළි ආරම්භ කරන බවයි.

2023 වසර සඳහා වන දෙවන පාසල් වාරයේ දෙවන අදියර ඔක්තොම්බර් 27 දක්වා පැවැත්වේ.

තුන්වන පාසල් වාරය ඔක්තෝබර් මස 30 වනදා ආරම්භ වන බව අධ්‍යාපන අමාත්‍යාංශය පවසයි.

අධ්‍යයන පොදු සහතික පත්‍ර උසස් පෙළ විභාගය සඳහා නොවැම්බර් 25 සිට දෙසැම්බර් 31 දක්වා නැවත වරක් පාසල් වසා තබන බව අමාත්‍යාංශය පවසයි.

තෙවන වාරයේ අවසන් අදියර සඳහා 2024 ජනවාරි 01 වන දින පාසල් නැවත විවෘත කෙරේ.

2023 අධ්‍යයන වර්ෂය සඳහා වන තුන්වන පාසල් වාරය 2024 පෙබරවාරි 16 වැනිදා දක්වා පැවැත්වේ.