අද පාසල් වසාදැමීමක් ගැන දැනුම්දීමක්..හේතුව මෙන්න..

හැටන් අධ්‍යාපන කලාපයට අයත් සියලුම රජයේ පාසල් අද(05) දිනයේ වසා තැබෙනවා.

හැටන් කලාප අධ්‍යාපන අධ්‍යක්ෂ කාර්යාලය දන්වා සිටියේ ප්‍රදේශයේ පවතින අයහපත් කාලගුණික තත්ත්වය සැලකිල්ලට ගනිමින් පාසල් වසා දැමීමට තීරණය කළ බවයි.

හැටන් සහ නුවරඑළිය ප්‍රදේශවලට පසුගිය දිනවල අධික වර්ෂාපතනයක් වාර්තා වුණා.

කාලගුණ විද්‍යා දෙපාර්තමේන්තුවට අනුව දිවයිනේ ගිනිකොනදිග කොටසේ දැනට පවතින වැසි තත්ත්වය ඉදිරි දින කිහිපයේදීත් පවතිනු ඇත.