පාසල් සිසුවෙකුගේ බෑගයෙන් මතුවූ අමුතුම දේ..

හලාවත කොට්ඨාසයේ යටතේ ඇති පාසලක සිසුවෙකු තම පාසැල් භාගයේ මත්පැන් බෝතලයක් සඟවාගෙන පැමිණ සිටියදී සොයාගෙන තිබෙනවා.

නව වැනි වසරේ සිසුවකු වන එම සිසුවා ප්‍රධාන ගේට්ටුවෙන් පාසලට ඇතුල් වන අවස්ථාවේ ශිෂ්‍ය නායකයන් ඔහුගේ බෑගය පරීක්ෂාවකට ලක් කිරීමේ දී මෙම මත්පැන් බෝතලය හමු වී ඇත.

පසුව ශිෂ්‍ය නායකයන් විසින් එම මත්පැන් බෝතල්ද සමග විදුහල්පතිවරයාට බාර දී තිබේ.

සිසුවා පවසා ඇත්තේ පියා නිවසට ගෙන තිබූ මෙම විස්කි බෝතලය තමන් මිතුරකු සමඟ පානය කිරීමට රැගෙන ආ බවයි.

සිසුවාට මේ සම්බන්ධයෙන් දැඩි ලෙස අවවාද කර ඔහුගේ මවුපියන් ද සිදුවීම පිළිබඳව දැනුවත් කර තිබේ.