මරාගෙන මැරෙන ප්‍රහාරයෙන් 60කට වැඩි පිරිසක් මරුට..150ට වැඩි පිරිසක් තුවාල ලබයි..ප්‍රහාරයේ වගකීම ISIS භාරගනී..(PHOTOS/VIDEO /UPDATE)
Update
රුසියාවේ මොස්කව් නගරයේ රංග ශාලාවකට (Crocus City Hall ) කඩා වැදුණු 05දෙනෙකුගෙන් සමන්විත ත්‍රස්ත කල්ලියක් විසින් එල්ල කළ වෙඩි ප්‍රහාර මාලාවෙන් මියගිය ගණන 60 දක්වා ඉහළ ගොස් තිබෙන බව විදෙස් මාධ්‍ය වාර්තා පවසනවා.
රුසියානු මාධ්‍ය වාර්තා කළේ, තුවාල ලැබූ සංඛ්‍යාව ද 145 ඉක්මවා ඇති බවයි. එඊයේ (22) දිනයේ එම රංග ශාලාවේ පැවති ප්‍රසංගයක් අතරතුරදී, වෙස්වළාගත් තුවක්කුකරුවන් විසින් ස්වයංක්‍රීය ගිනි අවිවලින් එම වෙඩි ප්‍රහාර සිදු කර ඇති බව වාර්තා වන්නේ.
ප්‍රහාර මාලාවේ වගකීම ISIS සටන්කාමීන් විසින් භාරගෙන තිබෙන බවයි විදෙස් මාධ්‍ය සදහන් කළේ.
...........................................................
රුසියාවේ ප්‍රධාන තැනකට දැවැන්ත ප්‍රහාරයක්..විශාල ගින්නක් සමග දුමක්..(PHOTOS/VIDEO /UPDATE)
රුසියාවේ මොස්කව්හි Crocus City ප්‍රසංග ශාලාවේ වෙඩි තැබීමක් සහ මාරාන්තික ප්‍රහාරයක් සිදුව තිබෙනවා.
එම ප්‍රහාරයෙන් විශාල පිරිසක් තුවාල ලබා ඇති බවයි විදෙස් මාධ්‍ය වාර්තා පවසන්නේ.
මරණ සහ තුවාලකරුවන් සංඛ්‍යාව මෙතෙක් නිශ්චිතව වාර්තා වී නොමැති අතර ජාත්‍යන්තර මාධ්‍ය අනාවරණය කරනුයේ දැනට පුද්ගලයින් 40ක් පමණ ජීවිතක්ෂයට පත්ව ඇති බවත් 150ක වැඩි ප්‍රමාණයක් තුවාල ලබා ඇති බවයි.
විදෙස් මාධ්‍ය වාර්තා සඳහන්කර සිටින්නේ, ප්‍රදේශයම කළු දුමාරයෙන් වැසී ගොස් ඇති අතර අනතුරට ලක්වූවන් මුදවා ගැනීමටද අසීරු වී ඇති බවයි.
ප්‍රහාරය සිදුවූ ස්ථානයට අවම වශයෙන් ගිලන්රථ 50ක් පමණ යොදවා ඇති බවයි විදෙස් මාධ්‍ය වාර්තා ප්‍රකාශ කළේ.
රුසියානු ප්‍රවෘත්ති වාර්තා තහවුරු කළේ, මෙම ප්‍රහාරකයන් දැවැන්ත ගින්නක් ඇති කරමින් පුපුරණ ද්‍රව්‍ය විශාල වශයෙන් භාවිතා කර ඇති බවයි.
ප්‍රසංග ශාලාව ප්‍රධාන විනෝදාස්වාද මධ්‍යස්ථානයක් වන අතර ත්‍රස්තවාදීන් ප්‍රහාර එල්ල කරන විට ජනප්‍රිය රොක් සංගීත කණ්ඩායමක ප්‍රසංගයක් පැවැත්වීමට සූදානම්ව සිටියේය.
අමාත්‍යාංශය පැවසුවේ, ඉහළම තර්ජන මට්ටම පවරන ලද ගින්නෙන් තට්ටු හතකින් යුත් ගොඩනැගිල්ලේ වර්ග මීටර් 13,000 ක් පමණ - එහි මුළු බිම් ප්‍රමාණයෙන් තුනෙන් එකක් පමණ - ගින්නෙන් දැවී ඇති බවයි.
හෙලිකොප්ටර් යානා මගින් ජලය ටොන් 160ක් පමණ ගොඩනැගිල්ලට හෙළා ඇත.
මොස්කව් ගඟ පරිශ්‍රය අසලින් දිවෙන අතර එයට සාප්පු සංකීර්ණයක්, සම්මන්ත්‍රණ මධ්‍යස්ථානයක් සහ ක්‍රොකස් සමූහයට අයත් හෝටලයක් ද ඇතුළත් ය.
මොස්කව් නගරාධිපති Sergei Sobyanin මෙම ප්‍රහාරය සම්බන්ධයෙන් අදහස් දක්වමින් පවසන්නේ මෙය "මහා ඛේදවාචකයක්" බවයි.
මෙම ත්‍රස්ත ප්‍රහාරය ගැන ප්‍රකාශයක් නිකුත් කරමින් ධවල මන්දිරය පවසා ඇත්තේ රුසියාවේ අගනුවර වෙඩි තැබීමේ ඡායාරූප "භයානක සහ නැරඹීමට අපහසු සිදුවීමක්" බවයි.
අමෙරිකානු ජාතික ආරක්ෂක කවුන්සිලයේ ප්‍රකාශක ජෝන් කර්බි පවසා ඇත්තේ මෙම වෙඩි තැබීමට යුක්රේනය හෝ යුක්රේන ජාතිකයන් සම්බන්ධ බවට මේ වන විට කිසිදු ඇඟවීමක් ලැබී නොමැති බවයි.
