රොෂාන් රණසිංහ ගෙන් දැඩි ප්‍රකාශයක්..පාර්ලිමේන්තුවේ දී සියල්ල වමාරයි.. (VIDEO)
දේශපාලන පළිගැනීම් සඳහා තමාව කොටු කිරීමට ජනාධිපති රනිල් වික්‍රමසිංහ උත්සාහ කරන බවට ක්‍රීඩා අමාත්‍ය රොෂාන් රණසිංහ මහතා චෝදනා කරයි.
අද (නොවැ 27) පාර්ලිමේන්තුව අමතමින් අමාත්‍ය රණසිංහ මහතා කියා සිටියේ, ජනාධිපතිවරයා වාහනයක් සම්බන්ධයෙන් අසත්‍ය කරුණු යොදා ගනිමින් නීති විරෝධී ක්‍රියාවන් කොටු කර ගන්නා බවයි.
ක්‍රීඩා අමාත්‍යවරයා ලෙස දූෂණ වංචා පමණක් හෙළිකර තිබියදී ජනාධිපතිවරයා දේශපාලන පළිගැනීම් කරන්නේ මන්දැයි ඔහු වැඩිදුරටත් ප්‍රශ්න කළේය.
"මගේ ජීවිතය අනතුරේ, අද හෝ හෙට මා මරා දැමීමට ඉඩ ඇත.
මට යම් දෙයක් සිදු වුවහොත් ඊට වගකිව යුත්තේ ජනාධිපතිවරයා සහ ඔහුගේ උපදේශක සාගල රත්නායක" යැයි ඔහු වැඩිදුරටත් පැවසීය.
අමාත්‍ය රොෂාන් රණසිංහ මහතා වැඩිදුරටත් චෝදනා කළේ කැබිනට් අමාත්‍යවරුන් නිසියාකාරව දැනුවත් නොකර තමන් නොමැති අවස්ථාවක අතුරු කමිටු පත් කිරීම සම්බන්ධයෙන් රජය කැබිනට් තීරණයක් ගෙන ඇති බවයි.
අමාත්‍යවරයා මේ බව ප්‍රකාශ කළේ ශ්‍රී ලංකා ක්‍රිකට් අර්බුදය සම්බන්ධයෙන් ජනාධිපති රනිල් වික්‍රමසිංහ මහතා මීට පෙර පාර්ලිමේන්තුවේදී කළ ප්‍රකාශයකට පිළිතුරු ලබාදෙමින්.
මීට අදාල වීඩියෝව පහතින්,
